उद्वार र राहतमा जुटन कांग्रेस वीपीको अपिल

३ असार, काठमाडौं । नेपाली कांग्रेस वीपीले हिजो बेलुका सिन्धुपाल्चोक जिल्लाको मेलम्ची र ईन्द्रावती नदीमा आएको भिषण बाढीले जनधन तथा भौतिकरूपमा पुर्याएको क्षति प्रती दुखित भएको जनाएको छ ।

भिषण बाढिले मेलम्ची खानेपानी ड्याम समाप्त गरेको, तिम्बु बजार, चनौटे बजार, तालामाराङ बजार, मेलम्ची बजार, याङ्री क्षतबिक्षत बनाएको छ । यसैगरी नाकोते पूल, तिम्बु पूल, फट्टे पूल, मेलम्ची पूल, बाहुनेपाटी पूल, ढाँडखोला पूल सम्पूर्ण उडाएको छ ।

नदी किनाराका सम्पूर्ण संरचना ध्वस्त बनाएर अरबौंको क्षति पूर्‍याएको छ । यो प्राकृतिक बिपत्तिमा सबैलाई संयमता पूर्वक उद्दार र राहातमा जुटन हार्दिक अपिल सहित पार्टीका स्थानीय नेताकार्यकर्ताहरुमा केन्द्रिय कार्यसमितिले निर्देश सहित अनुरोध गरेको छ ।

खोलाको बहकाव झनझन बढिरहेकाले सप्तकोसीसम्मका बासिन्दहरुलाई सचेत र सुरक्षित रहन अपिल गरेको छ । साथै बेपत्ता मध्य १ जनाको शव भेटिएको छ मृत आत्मा प्रती हार्दिक श्रद्धाञ्जली र घाइतेहरुलाई शिघ्र स्वास्थ्य लाभको कामना सहित घाइतेहरुको निस्शुल्क उपचारको व्यवस्था गर्न र बेपत्ताको खोजी कार्य जारी राख्न पनि अपिल गरेको छ ।