नेपालको अर्थतन्त्र पुनरुत्थानकालागि विश्व बैंकद्वारा १७ अर्ब ५५ करोड ऋण सहायता स्वीकृत

४ असार, काठमाडौं । विश्व बैंकले नेपाललाई १७ अर्ब ५५ करोड ऋण सहायता उपलब्ध गराउने भएको  छ । विश्व बैंकका कार्यकारी निर्देशहरुको बैठकले उक्त ऋण सहायता स्वीकृत गरेको हो ।

सहायता रकम कोरोनाबाट नेपालको अर्थतन्त्रमा परेको असरलाई कम गर्दै दिगो वृद्धिदरमा सहयोग पुर्याउन उपलब्ध गराइएङ्को विश्व बैंकले जनाएको छ ।

यो सहायताले नेपालको कर तथा भन्सार प्रणाली सुदृणीकरण ऋण ब्यवस्थापन र सार्वजनिक खर्च सबल बनाउन सहयोग पुग्ने विश्वास  विश्व बैंकले लिएको छ ।

त्यसैगरी तत्कालका लागि स्वास्थ्य सहायता सामाजिक सुरक्षा कार्यक्रमको आधुनिकरण र नीजि क्षेत्रको लागि डिजिटाइजेशन लगायतका क्षेत्रमा समेत सहयोग पुग्ने विश्व बैंक दर्वा जारी विज्ञाप्तिमा उल्लेख गरिएङ्को छ।