तामाकोशी नदी आसपासका नागरिकलाई सतर्क रहन आग्रह

४ असार, काठमाडौं । जिल्ला प्रशासन कार्यालय दोलखाले कुनैपनि बेला तामाकोशी नदीमा बाढी आउन सक्ने भएकाले सतर्क रहन नदी आसपासका नागरिकलाई आग्रह गरेको छ ।

शुक्रबार राती पौने १० बजे विज्ञप्ति निकाल्दै कार्यालयले नेपालसँगको चीनिया सिमा क्षेत्रमा ठुलो पानी परि नदीको बहाब रोकिएको सूचना प्राप्त भएकाले कुनै पनि बेला तामाकोशी नदीमा बाढी आउन सक्ने भएकाले नेपाल चीन सीमा क्षेत्र र तामाकोशीको तटीय क्षेत्रमा कुनै संकेत देखिनासाथ सुरक्षित स्थलतर्फ जान र प्रशासन कार्यालयलाई जानकारी गराउन आग्रह गरेको हो ।