स्याङ्जामा केही खुकुलो हुँदै असार १५ सम्म लम्बियो निषेधाज्ञा

६ असार, स्याङ्जा । कोरोना भाइरसको दोस्रो भेरियन्ट फैलिएसँगै जारी रहेको निषेधाज्ञा जोर तथा बिजोर निजी सवारी साधन चल्न पाउने गरी स्याङ्जामा असार १५ गतेसम्म निषेधाज्ञा लम्बिएको छ ।

पछिल्लो पटक असार ७ गतेसम्मका लागि जारी गरिएको निषेधाज्ञालाई बढाएर असार १५ गतेसम्म पु¥याइएकोे जिल्ला प्रशासन कार्यालय स्याङ्जाले जनाएको छ ।

बैशाख २१ गतेदेखि शुरु भएको निषेधाज्ञा पटक पटक गरी असार १५ सम्म लम्बिएको हो । दैनिक खाद्यान्न सामग्रीसहित अत्यावश्यक किनमेलका लागि बिहान ५ बजेदेखि १२ बजेसम्म संचालन गर्न पाईन गरी जारी भएको निषेधाज्ञा औषधीजन्य पदार्थ खरिदका लागि भने खुल्ला रहनेछ ।

बैंक तथा वित्तिय संस्था स्वास्थ्य मापदण्ड पालन गरेर खुल्ने गरी जोर बिजोरका आधारमा निजी सवारी साधन चल्न पाउने गरी निषेधाज्ञा जारी गरिएको स्याङ्जाका प्रमुख दीपकराज नेपालले जानकारी दिए । उनका अनुसार निषेधाज्ञालाई केही खुकुलो बनाएर जारी गरिएको छ ।

कोरोनाको दोस्रो लहर चलसँगै जिल्लामा हालसम्म ९४ ज्यान गुमाएका छन भने तीन हजार ३२ जना संक्रमित मध्ये ३ हाल सय ९७ सक्रिय संक्रमित रहेका छन् ।