देउवा प्रदेशका केन्द्रीय सदस्यहरूसँग छलफलमा

७ असार, काठमाडौं । नेपाली कांग्रेसका सभापति शेरबहादुर देउवाले आफू निकटका प्रदेशका नेताहरूसँग छलफलमा व्यस्त छन् । तीव्र पारेका भदौमा हुने महाधिवेशनमा फेरि सभापति उठ्ने तयारी गरेका देउवाले नेता तथा केन्द्रीय सदस्यहरुसँगको छललफलाई तीव्र पारेका हुन् ।

यहीक्रममा आज लुम्बिनी, कर्णाली र सुदूरपश्चिमका केन्द्रीय सदस्यहरूसँग छलफलमा छन् । उनी बुढानिलकण्ठमा बिहान ९ बजेदेखि केन्द्रीय सदस्यहरूसँग छलफलमा छन् । अहिले देउवा निवासमा छलफल जारी छ ।

यसअघि आइतबार देउवाले बागमती र गण्डकी प्रदेशका आफूनिकट केन्द्रीय सदस्यसँग कुराकानी गरेका थिए भने शनिबार प्रदेश नम्बर १ र २ का केन्द्रीय सदस्यसँग कुराकानी गरेका थिए ।