अरुण भ्याली हाइड्रोपावरको बिक्री नभएको हकप्रद शेयर आजदेखि लिलामीमा

९ असार, काठमाडौं । अरुण भ्याली हाइड्रोपावर डेभलपमेण्ट कम्पनीले हकप्रद शेयरमा नविकेको शेयर बुधवारबाट लिलामीमा विक्री गर्ने भएको छ ।

कम्पनीले सर्वसाधारण समूहको ४ लाख ३५ हजार ८९४ कित्ता शेयर लिलामीमा विक्री गर्न लागेको हो । यस लिलामी शेयरमा इच्छुक आवेदकले असार १६ गतेसम्म बोलपत्र पेश गर्न सक्नेछन् ।

शेयरको मूल्य न्यूनतम प्रतिकित्ता १०० तोकिएको हुँदा सो वा सोभन्दा बढी मूल्य अंकित गरी बोलकबोल गर्नुपर्नेछ ।

आवेदकले बोलपत्र पेश गर्दा न्यूनतम १०० कित्ताका लागि आवेदन दिन सक्नेछन् भने अधिकतम शेयर संख्याको लागि कुनै हद नलाग्ने कम्पनीले जानकारी बताएको छ ।

विक्री प्रबन्धकमा मुक्तिनाथ क्यापिटल लिमिटेड रहेको छ । कम्पनीले वैशाख ६ गतेदेखि जेठ २ गतेसम्म हकप्रद शेयर विक्री खुला गरेकोमा बाँडफाँट भई विक्री नभएको शेयर लिलामीमा ल्याएको हो ।