रसुवाका आठ पत्रकार नगद पुरस्कारसहित सम्मान

१० असार, रसुवा । विभिन्न सञ्चारगृहमा कार्यरत रसुवाका आठ पत्रकारलाई आज गोसाइँकुण्ड गाउँपालिकाले नगद पुरस्कारसहित सम्मान गरेको छ । सम्मानित हुनेमा राससका ज्ञानेन्द्र न्यौपाने, गोरखापत्रका हेमनाथ खतिवडा, नेपाल टेलिभिजनका सुशील कोइराला, कान्तिपुर देनिकका बलराम घिमिरे, रेडियो रसुवाका दिपक लामा, नेपाल समाचारपत्रकी सरस्वती न्यौपाने नागरिक दैनिकका हिमनाथ देवकोटा र नयाँ पत्रिकाकी अनु आचार्य रहेकी छिन छन् ।

संस्थागततर्फ भने रेडियो लाङ्टाङ सम्मानित भएको छ । पालिकाको आज स्याफ्रुबेँसीमा सम्पन्न नवौ गाउँसभामा उक्त सम्मान दिइएको हो । समाचारको माध्यमबाट पर्यटन प्रवद्र्धन, पूर्वाधार विकास, समृद्व नेपाल निर्माण जस्ता सवालमा योगदान दिएकाले सम्मान गरिउको गोसाइँकुण्ड गाउँपालिका अध्यक्ष कैसाङनुर्पु तामाङले बताए ।