जीवन बीमा कम्पनीले संकलन गरे १ खर्ब बढी बीमा शुल्क, अग्रस्थानमा नेपाल लाइफ हुँदा पुच्छरमा महालक्ष्मी लाइफ इन्स्योरेन्स

१४ असार, काठमाडौं । चालु आर्थिक वर्षको ११ महिनामा जीवन बीमा कम्पनीहरुले १ खर्ब रुपैयाँ बढी बीमा शुल्क संकलन गरेका छन् ।

सञ्चालनमा रहेका १९ जीवन बीमा कम्पनीहरुले प्रथम, नवीकरण र वैदेशिक रोजगारी बीमा गरी सो बीमा शुल्क संकलन गरेका हुन् ।

बीमा समितिद्वारा उपलब्ध तथ्यांक अनुसार गत असार मसान्तदेखि चालु आवको जेठ मसान्तसम्म कम्पनीहरुले प्रथम बीमा शुल्क ३५ अर्ब १९ करोड रुपैयाँ, नविकरण बीमा शुल्क ६६ अर्ब ५८ करोड रुपैयाँ र वैदेशिक रोजगारी गरी ५७ करोड रुपैयाँ गरी १ खर्ब २ अर्ब ३४ करोड रुपैयाँ संकलन बीमा शुल्क गरेका हुन् ।

सञ्चालनमा रहेको १९ बीमा कम्पनीमध्ये २ वटा कम्पनीले १० अर्ब रुपैयाँभन्दा बढी, ४ वटाले ५ अर्ब रुपैयाँदेखि १० अर्ब रुपैयाँसम्म, १२ वटाले १ अर्ब रुपैयाँदेखि ५ अर्ब रुपैयाँसम्म र १ वटाले १ अर्ब रुपैयाँभन्दा कम बीमा शुल्क आर्जन गरेका छन् ।

प्राप्त तथ्यांकअनुसार चालु आवको जेठ मसान्तसम्ममा सबैभन्दा धेरै बीमा शुल्क नेपाल लाइफ इन्स्योरेन्सले संकलन गरेको छ भने सबैभन्दा थोरै महालक्ष्मी लाइफ इन्स्योरेन्सले संकलन गरेको छ ।

सो अवधिमा नेपाल लाइफले २७ अर्ब ५७ करोड रुपैयाँ र महालक्ष्मी लाइफ इन्स्योरेन्सले ७६ करोड रुपैयाँ बीमा शुल्क आर्जन गरेको छ ।

हेरौं कुन कम्पनीले कति बीमा शुल्क आर्जन गरे