प्रचण्ड, विप्लव र बाँस्तोलाबीच भेटवार्ता, के के भयाे कुराकानी ?

३१ असार, काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको माओवादीबाट विद्रोह गरेर भूमिगत राजनीतिमा लागेका नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले लामो समयपछि प्रचण्डसँग भेटवार्ता गरेका छन् ।

बुधवार अपराह्न प्रचण्ड निवास खुमलटारमा विप्लव र अर्का नेता धर्मेन्द्र बाँस्तोलाबीच भेटवार्तामा भएकाे हाे ।  भेटमा अहिलेको राजनीतिक परिस्थिति, अघिल्लो सरकारसँग आफूहरूले गरेको सहमति लगायतका विषयमा कुराकानी भएको बताइएको छ । स्राेतका अनुसार केपी ओली नेतृत्वको सरकारसँग गरिएको सहमति कार्यान्वयनको विषयमा केन्द्रित भएको बताइएकाे छ ।

ओली सरकार तीन बुँदे सहमति गरेर शान्तिपूर्ण राजनीतिमा आएको विप्लव समूहले आफ्ना बन्दीहरूको रिहाइको माग गर्दै आइरहेको छ ।यसको आजको भेटमा देशमा भएको पछिल्लो राजनीतिक उथलपुथलको बारेमा पनि छलफल भएको बताइएकाे छ ।