कांग्रेसमा बिरासत नै चाहिन्छ भने त्यसको लागि को हो त ?
इन्द्र रिजाल
साउन ४, २०७८ मंगलबार ०:५८:१३
४ साउन, काठमाडाैं । आगामी भदौ १६ देखि १९ गतेसम्म काठमाडौंमा हुने नेपाली कांग्रेसको महाधिवेशनमा लक्षित हुँदै साउन २ गते शनिबार महाराजगन्जस्थित कांग्रेस महामन्त्री डा. शशांक कोइरालाको निवासमा डा.शेखर कोइराला र नेत्री सुजाता कोइरालाको ‘लन्च मिटिङ’ भएको खबरले महाधिवेशन राजनीतिमा चासो राख्नेहरूका बीच महत्व पाएको छ । उनीहरूको यो प्रयास कांग्रेस सभापतिमा कोइराला परिवारबाट एकल उम्मेदवार दिन लक्षित छ ।
केही हप्ताअघि कांग्रेस नेता महेन्द्रनारायण निधिका छोरा विमलेन्द्र निधिले बीपी पुत्र डा. शशांक कोइराला र गणेशमान सिंहका पुत्र प्रकाशमान सिंहलाई निम्त्याएर आयोजना गरेको र त्यसपछि दुईतीन राउन्ड चलेको त्यस्तै लन्च बैठकलाई दृष्टिगत गर्दै कोइराला परिवारको यो राजनीतिक लन्च–मिटिङ्लाई अर्थ लगाउनेहरू पनि छन् ।
उक्त तीन नेतापुत्रहरूबीच लगातार सामूहिक ‘लन्च’ बैठकपछि कांग्रेस उपसभापति विमलेन्द्र निधि, महामन्त्री डा. शशांक र पूर्वमहामन्त्री प्रकाशमानले चौधौं महाधिवेशनमा शेरबहादुर देउवा, रामचन्द्र पौडेल र डा. शेखर कोइरालालाई सभापति बन्नबाट रोक्न सकेमा मात्र सभापति पद आफ्नो वृत्तमा आउने निष्कर्षमा त पुगेका छन् । तर उपयुक्त रणनीति बनाउने कार्यमा यी तीनैजना नेतापुत्रहरू पछाडि नै छन् ।
नेपाली कांग्रेसको आसन्न चौधौं महाधिवेशनले जनताको लागि दिने सन्देश के हुने ? जनसरोकार र जनभरोसा जगाउने कार्यक्रम कसरी हुने ? कि यो ‘राष्ट्रिय भेला,’ वा पाँचवर्षे कुम्भमेला जस्तो मा सीमित हुने ? स्थापित नेतृत्वलाई रबर स्टाम्पको अनुमोदन गरेर सकिने छाँट छ कि नेतृत्वमा नयाँ अनुहारको साथै नयाँ मानसिकता, नयाँ कार्यशैली पनि हुनेछ ? चहलपहल निकै छ ।
अर्कातिर कांग्रेसकै प्रभावशाली नेता अर्जुननरसिंह केसीले सभापतिका दावेदार आठजना नेताहरूलाई एकैठाउँ जम्मा गरेर ‘हाई टी मिटिङ्’ को अभियान चलाए । उनको कोशिश आठजनाबाट विभिन्न पदका लागि मिलेर एउटै प्यानलको रुपमा उम्मेद्वारी दिनुपर्ने आग्रहमा लक्षित छ । उपलब्ध र अनुकूल नेताहरूका बीच यस्तो कोठे बैठक अरु पनि हुँदै आएका छन् ।
नेपाली कांग्रेसको आसन्न चौधौं महाधिवेशनले जनताको लागि दिने सन्देश के हुने ? जनसरोकार र जनभरोसा जगाउने कार्यक्रम कसरी हुने ? कि यो ‘राष्ट्रिय भेला,’ वा पाँचवर्षे कुम्भमेला जस्तो मा सीमित हुने ? स्थापित नेतृत्वलाई रबर स्टाम्पको अनुमोदन गरेर सकिने छाँट छ कि नेतृत्वमा नयाँ अनुहारको साथै नयाँ मानसिकता, नयाँ कार्यशैली पनि हुनेछ ? चहलपहल निकै छ । तर वैचारिक पुनर्जागरणको चहलपहलभन्दा फगत अनुहारको रित्तो सल्बलाहट पाईंदैछ ।
डा. शेखर कोइरालाको अभियान र मिहिनेतलाई कमजोर मान्नु हुँदैन । उनले आफ्ना सहकर्मीहरूको उम्मेद्वार प्यानलमा समावेशी, सन्तुलन, योग्यता सबै क्राईटेरिया मिलाए भने डा. शेखरको सम्भावना निकै उच्च देखिन्छ । अन्तिम बेलामा आएर बीपी पुत्र डा. शशांकबाट पनि शेखरकै लागि उम्मेद्वारी त्याग्ने काम भयो भने आश्चर्य नमाने हुन्छ ।
यस दिशामा वैचारिक रुपले सम्पुष्ट महाधिवेशन बनाउने कुरामा डा. शेखर कोइराला र अर्जुननरसिंह के.सी. अरुभन्दा अगाडि देखिएका छन् । नत्र अन्य दावेदारहरूबाट पार्टीको नीति, सिद्धान्त, रणनीति, लक्ष्य, संकल्प जस्ता विषयमा छलफल, बहस, चिन्तन र मन्थन कतै सुनिएको छैन । अनुहार देखाएर पद हत्याउने जोडमा मात्र छन् । तसर्थ वैचारिक अनिकाल आजको कांग्रेसको ऐंजेरु हुनपुगेको छ, जहाँ पदको तानातान र हानथाप छ । सिद्धान्त सिद्धिएर रित्तो देखिएको बेला नेताहरू लोकतन्त्रका रित्ता ढ्वाङ्जस्तो लाग्छ । त्यस्तो लक्षणले कांग्रेसलाई ग्रसित बनाउन लागेको छ । यसलाई सकारात्मक चेतनाको रुपमा लिऔं ।
रामचन्द्र पौडेल वा शेरबहादुर देउवामध्ये एक नै कांग्रेसका आठौँ सभापति होलान् भन्ने सुनिश्चितता छैन । डा. शेखर कोइरालाको अभियान र मिहिनेतलाई कमजोर मान्नु हुँदैन । उनले आफ्ना सहकर्मीहरूको उम्मेद्वार प्यानलमा समावेशी, सन्तुलन, योग्यता सबै क्राईटेरिया मिलाए भने डा. शेखरको सम्भावना निकै उच्च देखिन्छ । अन्तिम बेलामा आएर बीपी पुत्र डा. शशांकबाट पनि शेखरकै लागि उम्मेद्वारी त्याग्ने काम भयो भने आश्चर्य नमाने हुन्छ ।
उम्मेद्वारी किन ? अनुत्तरित प्रश्न
महाधिवेशनको भव्यतालाई कांग्रेसले सामान्य भीडका रूपमा प्रस्तुत गर्न पुग्नु राजनीतिक बिडम्बना हो । कांग्रेसप्रति यथावत रहेको जनआकर्षणलाई हेर्दा जनमतले होइन, सङ्गठन निर्माण तथा परिचालन गर्ने नेताहरूले नै जनसमर्थन फ्याँक्दै हिँडेको कारणले कांग्रेस कमजोर भएको अर्थ र दोष नेतृत्वमाथि जान्छ । महाधिवेशनका क्रममा कांग्रेसको दलीय आचरण र सामुहिकताको भावनालाई होइन, असहमत हुने सबैलाई पछारेर आफू बलियो हुन निर्दलीय आचरण र खुट्टा तान्ने मनोवृत्ति अभिब्यक्त हुने परिपाटी नै बसिसक्यो । पार्टीभित्र वैचारिक बहस होइन, नसुध्रिएको आपसी ‘रगडा’को पराकाष्टा भएर महाधिवेशन आइरहेको छ ।
तानशाहको पनि पार्टी हुन्छ । मौरी, कमिला आदि समुहमा बस्ने प्राणी हुन् भने सलह, धमिरा, अरिँगाल, बाँदरहरू पनि समुहमै बस्ने प्राणी हुन् । तर धमिरा र मौरीको सङ्गठनात्मक आचरण वा गतिविधि फरक हुन्छ । आतङ्ककारी सञ्जाल, अण्डरवल्र्ड वा डाँकाको पनि सङ्गठन हुन्छ । त्यसकारण पार्टी हुनका लागि सङ्गठन हुनुपर्छ भन्दैमा त्यसको सामाजिकता र मानवीयता बिर्सन मिल्दैन ।
कांग्रेसबारे जनतामा सकारात्मक चासो र आकर्षण उर्लेर आएको कुरा धरातलीय यथार्थ हो । तर यो आकर्षण र जागरणबारे साविकको नेतृत्वले आत्मसात गर्ने इच्छाशक्ति देखाएको छैन । जनताले पार्टी (हरू)बारे आफ्ना धारणा ब्यक्त गरिरहेको हुन्छ । तर जनभावनालाई संस्थागत रूपले समेट्ने र जनताका मनसँग खेल्ने कला नेतृत्वले देखाउने गरेको छैन । महाधिवेशनमात्र नयाँ हो, नेतृत्वका अनुहारहरू प्रायः पुरानै हुन् । अब पनि बासी विचार, नसुध्रेकाे प्रवृत्ति र यसका सिद्धान्त तथा मान्यतासँग तालमेल नहुने स्वभाव बोकेर पार्टी हाँक्छु भनी कसैले सोचेको छ भने त्यो साह्रै अनर्थ हुन्छ ।
सङ्गठन जसको पनि हुनसक्छ । तानशाहको पनि पार्टी हुन्छ । मौरी, कमिला आदि समुहमा बस्ने प्राणी हुन् भने सलह, धमिरा, अरिँगाल, बाँदरहरू पनि समुहमै बस्ने प्राणी हुन् । तर धमिरा र मौरीको सङ्गठनात्मक आचरण वा गतिविधि फरक हुन्छ । आतङ्ककारी सञ्जाल, अण्डरवल्र्ड वा डाँकाको पनि सङ्गठन हुन्छ । त्यसकारण पार्टी हुनका लागि सङ्गठन हुनुपर्छ भन्दैमा त्यसको सामाजिकता र मानवीयता बिर्सन मिल्दैन ।
कम्युनिष्टहरूको पार्टी हुन्छ र लोकतन्त्रमा विश्वास राख्ने शक्तिको पनि पार्टी हुन्छ । तर त्यो पार्टीको जनतासापेक्ष नियत कस्तो छ, त्यसैले नै त्यसपार्टीको अल्पायु वा दीर्घायु निर्धारण गर्दछ । लोकतन्त्र भनेको घोक्ने कुरा होइन, गरेर देखाउने कुरा हो । ‘समाजवाद’ किताबमा लेख्ने (मात्र) कुरा नभै पार्टीको सामाजिकीकरण प्रक्रियाको मार्गदर्शन हो । त्यसकारण कांग्रेसले आफुलाई समाजवादी भनाउन समाजवादप्रतिको उसको धारणा र आचरण प्रष्ट पार्नुपर्छ । लोकतन्त्रमा पार्टीतन्त्र हावी भयो भने त्यहीँबाट तानाशाहको उत्थान हुन्छ ।
कांग्रेसमा अबको आवश्यकता
कांग्रेसले आफ्ना आधारभूत सिद्धान्त र मार्गदर्शनको पुनःपरिभाषा गर्ने बेला आएको छ । परिभाषाको घोषणाले मात्र हुन्न त्यसमा टिक्ने आचरण र इच्छाशक्ति पनि देखाउन सक्नुपर्छ । यो महाधिवेशनमा उसले नीति र कार्यक्रममा भन्दा निर्वाचन र नेतातिर सम्पूर्ण ध्यान एकोहो¥याइरहेकोले वैचारिक पक्ष मृतप्रायः भएको छ । कांग्रेसले अब अर्को संघर्ष चलाउनुपर्छ । यसले आफ्नै नियत, मनोवृत्ति र कार्यशैलीसँग संघर्ष गरेर जित्न सक्नुपर्छ ।
जुनसुकै पार्टी होस्, त्यसले निर्वाचन र नीतिगत रूपमा दुई छुट्टाछुट्टै महाधिवेशन गर्नुपर्ने पाठ कांग्रेस र एमाले दुवैका महाधिवेशनहरूले सिकाएका छन् । नत्र निर्वाचनको कोलाहलले नीतिगत पक्षलाई अन्धकारतिर धकेल्ने रहेछ । नीतिबिनाको नेतृत्व ब्यर्थ मात्र होइन, खतरनाक पनि हुनसक्छ । नीतिगत कार्यप्रक्रिया नहुँदा ‘हुकुमी’ वा ‘हैकमी’ कार्यशैलीले प्रश्रय पाउँछ ।
खासगरी पञ्चायत आएपछि कांग्रेसमा नीतिमुखी नभएर नेतामुखी एवं हैकमी शैलीले यसरी पश्रय पाउँदै गयो कि आखिर त्यो नै कांग्रेसको परम्परा बन्नपुग्यो । अब यस पार्टीले वस्तुस्थितिका साथै मनस्थितिमा पनि परिवर्तन भएको देखाउन सक्नुपर्छ । कांग्रेस अब पार्टीजस्तो होइन, पार्टी नै बनेमात्र त्यसले दिग्विजयी बन्न र दीर्घायु पाउन सक्दछ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपराष्ट्रिय सम्पत्ति जलिरहेको छ, देशको वास्तविकता ख्याल नगरी कस्ता योजना आउने होलान् ?
बैशाख १५, २०८१ शनिबार
लोकतन्त्र दिवसको सान्दर्भिकता
बैशाख ११, २०८१ मंगलबार
लोकतन्त्रमा लोकको कल्याण होस्
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
इलाम उपनिर्वाचन : कांग्रेस उम्मेदवार खड्काले गरे मतदान
बैशाख १५, २०८१ शनिबार
नयाँ आविष्कार- अब इलेक्ट्रोनिक ग्याजेट हथौडाले हने पनि नफुट्ने
बैशाख १५, २०८१ शनिबार
सबैभन्दा धेरै रेमिट्यान्स भित्र्याउने बैंकको रुपमा ग्लोबल आइएमई सम्मानित
बैशाख १५, २०८१ शनिबार
बागलुङ–म्याग्दी सडक कालोपत्र गरिँदै
बैशाख १५, २०८१ शनिबार
भारतको सहयोगमा चितवनमा उच्च प्रभाव सामुदायिक विकास परियोजनाको निर्माण
बैशाख १५, २०८१ शनिबार
आइपिएलमा आज दुई खेल हुँदै
बैशाख १५, २०८१ शनिबार