बालुवाटारदेखि बालकोटसम्मको दुर्गन्ध
यज्ञप्रसाद भट्टराई
साउन ४, २०७८ मंगलबार ०:५०:४४
“भ्रष्टाचार गर्न पनि दिन्न र भ्रष्टाचार गर्नेलाई पनि छोडदिन” भनेर सत्तारोहण गरेका निवर्तमान प्रधानमन्त्री केपी ओलीको नेतृत्वकाल भने त्यति सुखद रहेको देखिएन । नेपाली जनताको नजरमा भ्रष्टाचारीहरुको घेराबन्दीमा नै निवर्तमान प्रधानमन्त्री ओलीले आफ्नो ४० महिने बालुवाटार बसाई बिताए भन्ने परेको छ ।
नेपाली जनताले अत्याधिक बहुमतका साथ दिएको अभिमतबाट सरकारको नेतृत्वमा पुगेका नेपाली कम्युनिष्ट आन्दोलनका एक सशक्त र प्रभावशाली नेताका रुपमा चिनिएका ओली वास्तवमै केही थान भ्रष्टहरुको गोटी बन्नु पर्ने नियतिका कारण पनि ओलीको बालुवाटार बसाई त्यति प्रभावकारी हुन नसकेको स्वयं एमालेका भुक्तभोगीहरुले बताउन थालेका छन् ।
नेपाली जनताको आशा र चाहनामा निरन्तर रुपमा लागेको नैराष्यताको ओरालो यात्रा हेरेर पनि केही थान भ्रष्टहरुको संरक्षकको रुपमा मात्रै लागिरहनु निवर्तमान प्रधानमन्त्री ओलीको यसका पछाडिको आशक्तिपन या बाध्यता के हो ? भनेर कुनै पनि अनुसन्धान भने हुने गरेको पाईएको छैन । ओली प्रधानमन्त्री भएपछि नेपाली जनताले असाध्यै धेरै आशा र अपेक्षा राखेका थिए । किनकी ओलीले निर्वाचनका क्रममा जनतासँग भोट माग्न जादा हुनै नसक्ने र पुरा गराउनै नसकिने आश्वासनका पुलिन्दा बाडेका थिए ।
बिस्तारै ओली शक्तिशाली नेकपाको अध्यक्षबाट पुनः एमालेको अध्यक्ष हुँदै ओली समूहको एमालेमा ल्याईपुर्यायो । तैपनि म र मेरो कारणले पार्टी र पार्टीका होनहार त्यागी र विद्धान नेता तथा कार्यकर्ताहरुमा कस्तो नकारात्मक प्रभाव परिरहेको छ ? भनेर ठण्डा दमागले सोच्ने सामथ्र्य पनि ओलीमा हराईसकेको आभाष देखियो । बहुमतको सरकारबाट अत्पमतको सरकार हुँदै अदालतको फैसलाबाट बर्खास्त सरकारको प्रमूख भएर बालकोटको बाटो लगायो ।
गरिवीको पीडामा थिचिएका नेपाली नागरिकहरुका लागि देखाईएका आशालाग्दा र लोभलाग्दा सपनाहरुले नेपाल साच्चिकै रामराज्य हुनेछ भनेर नेपालीले सपना देख्नु कुनै अनौठो कुरा पनि भएन । किनकी बर्षौदेखि भ्रष्टाचार र ढिलासुस्तीले आजित बनेका नेपालीले नेपालमा कम्युनिष्टहरुको एकलौटी सरकार बन्यो भने देशबाट भ्रष्टाचार सदाका लागि हटेर जान्छ । नेपाली जनताका दुःखका दिन कटेर जान्छ, जनताका जनजीविकाका सवालमा, निशुल्क शिक्षा, निशुल्क र सर्वशुलभ स्वास्थ्यमा आम नागरिकको पहुचमा बृद्धि हुन्छ, अपराधीहरु तथा भ्रष्टाचारीहरुले गल्ती अनुसारको सजाय पाउनेछन्, आहतमा परेका नागरिकहरुले तत्काल राहत पाउनेछन्, स्वदेशमै रोजगारका अवसरहरु खुल्नेछन्, किसानले समयमै मल र विऊ प्राप्त गर्नेछन्, परिणामस्वरुप किसानका मुहारमा हाँसो, खुशी र मुस्कानसहितका बाली झुल्नेछन् ।
बिगतको कम्युनिष्टहरुको जन कार्वाहीलाई हेरेर एक किसिमको बेग्लै विचार सजाएका नेपाली नागरिकहरुले भ्रष्टाचारीलाई चारपाटा मोडेर सडकमा घुमाईने कल्पना गरेका थिए । बलात्कारी र हत्यारालाई जेलको चौघेरामा पुर्याईने सपना देखेका थिए । बिगतमा भएका भनिएका ठूलाठूला भ्रष्टाचारका फायलहरु कम्युनिष्ट सरकारको पालमा खुल्ने अपेक्षा राखेका थिए । देश लुटेर खान पल्किएकाहरु अब चाहि पक्कै पनि सजायको भागिदार हुनेछन् भन्ने विश्वासका साथ अनगिन्ती सपनाहरु सजाएर नेपाली जनताले कम्युनिष्टहरुको गठबन्धनलाई भोट हालेका थिए ।
जनताको अभूतपूर्व जनमतका आधारमा देशमा कहिल्यै नअस्ताउने गरी सूर्य उदायो । देशमा पहिलो पटक कम्युनिष्ट पार्टीहरुको गठबन्धनले झण्डै दुई तिहाईको बहुमत पायो । देशले ओलीको नेतृत्वमा जनताको पक्षमा काम गर्ने भनिएको एकल सरकार पायो । सत्तारोहणसँगै ओलीमा भने जनताका काममा भन्दा पनि आफै सर्बेसर्वा भएको भन्ने एक किसिमको अनौठो प्रकारको दम्भ पलायो ।
जनताले गरेका अनगिन्ती आशा र चाहनाहरुको भावनामा बिस्तारै बिस्तारै तुषारापात पर्दै गयो । हावादारी र बकम्फुसे गफले ओलीलाई आफै आफ्नाे वास्तविक धरातलमा ल्याईपुर्यायो । उनका यस्तै एकपछिका अर्का बेतुकका गतिविधिहरुले स्वयं आफुलाई र सिंगो नेकपालाई समेत जनताको नजरबाट अत्यन्तै तल गिरायो । नेकपा पार्टीभित्र बिस्तारै अनुशासन भन्ने चिज हरायो ।
बालुवाटारका केही थान कमशल र पुर्वाग्रही सल्लाहकारहरुका कारण निवर्तमान प्रधानमन्त्री ओलीका अगाडि बढने बाटाहरु समेत बन्द गरायो । जता हेर्यो उतै अध्यारोमात्र देख्न थालेपछि त स्वयं ओलीले आफुले आफैलाई सही बाटोतर्फ अग्रसर बनाउन सक्नु पथ्र्यो तर उनमा पलाएको अहंकाररुपी अभिमानले उनलाई सही बाटो समाउनै दिएन । जनता के भनिरहेका छन् ? भन्ने कुरातर्फ स्वयं ओलीको पनि ध्यानै गएन ।
बिस्तारै ओली शक्तिशाली नेकपाको अध्यक्षबाट पुनः एमालेको अध्यक्ष हुँदै ओली समूहको एमालेमा ल्याईपुर्यायो । तैपनि म र मेरो कारणले पार्टी र पार्टीका होनहार त्यागी र विद्धान नेता तथा कार्यकर्ताहरुमा कस्तो नकारात्मक प्रभाव परिरहेको छ ? भनेर ठण्डा दमागले सोच्ने सामथ्र्य पनि ओलीमा हराईसकेको आभाष देखियो । बहुमतको सरकारबाट अत्पमतको सरकार हुँदै अदालतको फैसलाबाट बर्खास्त सरकारको प्रमूख भएर बालकोटको बाटो लगायो । यस अघिका प्रधानमन्त्रीहरु जसरी ओलीलाई जनताका अगाडि हात हल्लाउँदै बालकोट जाने हिम्मत ओलीमा भएन । बाटामै जनताले धारेहात लाउने र अपशब्दको गाली गलौचको शब्दबाण प्रयोग हुनसक्ने डरले ओलीले आफ्नै निवास पनि एक्लै जाने आटै गरेनन् ।
प्रजातान्त्रिक मुलुकमा पटक पटक सरकार सञ्चालन गरिसकेका लोकतान्त्रिक दलका प्रधानमन्त्रीलाई आफ्नै दलकाे युथ फोर्सले सुरक्षा दिएर घरसम्म पुर्याएर छोडिदियो । घरपुग्दा ७० करोडको दुर्गन्धले घरका कोठा चोटाहरु गन्हाई रहेका थिए । घर कुरुवाको दुर्गन्ध सरसफाई गर्न बाले घरैको बार्दलीबाट केही थान आफ्नै दलका वरिष्ठ नेताहरुको हुर्मत लिए ।
बालुवाटारमा सूर्य थापाहरु र बालकोटमा गोकुलहरु जस्ताको दुर्गन्ध र फोहोर सफा गर्न बालाई अझै केही समय लाग्न सक्छ । अरु सतहमा नआएका र सतहमा आईपुग्ने पाईपलाईनको मुखमा आएर बसेका अनगिन्ती काण्डहरुले बालाई कति सताउने हो ? त्यो चाहि हेर्न बाकी नै छ ।
यज्ञप्रसाद भट्टराई
यज्ञप्रसाद भट्टराई पूर्वको झापामा रहेर राजनीतिक, सामाजिक अभियानमा क्रियाशील छन् । सहकारी आन्दोलनमा समेत सरिक रहेका भट्टराईले पछिल्लो समय नेपालबहस डटकममा आबद्ध रहेर लेखन तथा पत्रकारिता गरिरहेका छन् ।
लेखकबाट थपलोकतन्त्र दिवसको सान्दर्भिकता
बैशाख ११, २०८१ मंगलबार
लोकतन्त्रमा लोकको कल्याण होस्
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार