नेप्सेमा जीवन विकास लघुवित्त कारोबार सुरु, कतिमा हुदैछ पहिलो कारोबार ?

१४ साउन, काठमाडौं । आज बिहीबार नेप्सेमा जीवन विकास लघुवित्त वित्तीय संस्था लिमिटेडको पहिलो कारोबार भएको छ।

यस दिन लघुवित्तको शेयर प्रतिकित्ता ९१४ रुपैयाँमा पहिलो कारोबार भएको हो।

लघुवित्तको शेयर साउन १३ गते, बुधबार नेप्सेमा सूचीकृत भएको थियो। कम्पनीले सर्वसाधारणमा बिक्री गरेको समेत गरी कुल ६० लाख ८४ हजार एक सय कित्ता शेयर नेप्सेमा सूचीकृत गरेको हो।

नेप्सेले दोश्रो बजारमा कारोबारका लागि लघुवित्तलाई जेबिएलबि सिम्बोल प्रदान गरेको थियो भने कम्पनीको पहिलो कारोबारका लागि प्रतिशेयर न्यूनतम ३०५ रूपैयाँ २७ पैसादेखि अधिकतम ९१५ रुपैयाँ ८१ पैसासम्मको कारोबार रेञ्ज दिएको थियो।

लघुवित्तले गत असार ११ गतेदेखि १५ गतेसम्म प्रतिकित्ता १०० अंकित दरका १९ लाख ७७ हजार ३०० कित्ता साधारण शेयर बिक्री गरेको थियो। निष्काशन गरिएको कुल शेयरमध्ये ९८ हजार ८६५ कित्ता शेयर सामूहिक लगानी कोषका लागि छुट्याइएको हुँदा बाँकी १८ लाख ४८ हजार १५ कित्ता सर्वसाधारणमा बाँडफाँट गरिएको थियो।