नारायणी डेभलपमेन्ट बैंकको सर्किट लेबलमा कारोबार

१४ साउन, काठमाडौं । साताको अन्तिम कारोबार दिन बिहीबार नारायणी डेभलपमेन्ट बैंकको शेयरमूल्यमा सर्किट लागेको छ ।

यस दिन ११ः४० बजेको अवधिमा बैंकको शेयरमूल्यमा सर्किट लागेको हो । आज बैंकको शेयरमूल्य अघिल्लो कारोबार दिनको तुलनामा ९ दशमलव २२ प्रतिशत वृद्धि भएको छ ।

आज बैंकको शेयरमा विक्रेताभन्दा क्रेता धेरै भएकाले शेयरमूल्य बढेको हो । बैंकको शेयरमूल्य ७४ रुपैयाँले बढेर प्रतिकित्ता शेयरमूल्य ८७७ रुपैयाँ पुगेको छ ।