कञ्चनपुरबाट तीन लाख मूल्य बराबरको चिनी बरामद

१४ साउन, धनगढी । प्रहरीले झन्डै तीन लाख मूल्य बराबरको चिनी बरामद गरेको छ । कञ्चनपुरबाट झन्डै तीन लाख मूल्य बराबरको भन्सार छलीको चिनी प्रहरीले बरामद गरेको हो ।

जिल्ला प्रहरी कार्यालय कञ्चनपुरबाट खटिएको प्रहरी टोलीले जिल्लाको भीमदत्त नगरपालिका–१ भाँसीबाट २ लाख ७३ हजार मूल्य बराबरको भन्सार छलीको ४२ क्वीन्टल चिनी बरामद गरेको हो।

जिल्ला प्रहरी कार्यालय कञ्चनपुरका अनुसार भीमदत्त नगरपालिका–१८ का १८ वर्षीय बिक्की गुप्ताले भारतबाट भन्सार छली चोरी पैठारी चिनी ल्याएको अनुसन्धानमा खुलेकाे छ ।

अहिले गुप्ता र बरामद गरिएको चिनी आवश्यक कारवाहीका लागि गड्डाचौकी भन्सार कार्यालय पठाइएको छ