आज पौडेल पक्षको बैठक बस्दै

१९ साउन, काठमाडौं । नेपाली कांग्रेस वरिष्ठ नेताको रामचन्द्र पौडेल पक्षको बैठक आज बस्दै छ । बैठक आज दिउँसो २ बजेपछि नेता प्रकाशमान सिंहको निवास चाक्सीबारीमा बस्ने छ ।

 बैठकमा क्रियाशील सदस्यता विवाद, आगामी महाधिवेशन र सरकारका विषयमा छलफल गर्न बैठक बस्न लागेको हाे । छलफलमा क्रियाशील सदस्यता विवाद समाधान लगायतका विषयमा पनि छलफल हुने छ ।

स्राेतका अनुसार पार्टीको महाधिवेशन अनिश्चित बन्दै गएको अवस्थामा अब अपनाउनुपर्ने रणनीतिका बारेमा वरिष्ठ नेता पौडेलले अन्य नेताहरूसँग परामर्श गर्नेछन्। यसैगरी पार्टीका तर्फबाट सरकारमा पठाइने मन्त्रीहरूका विषयमा पनि छलफल हुनेछ।