आईएमई लाइफ इन्स्योरेन्सद्धारा खडकालाई एक करोडको बीमा रकम भुक्तानी

२४ साउन, काठमाडौं । आईएमई लाइफ इन्स्योरेन्स कम्पनी लिमिटेडले बीमित सूर्य बहादुर खड्काको मृत्युवापत एक करोड बीमाङक रकम बराबरको दावी भुक्तानी गरेको छ ।

कम्पनीको प्रदेश नं. १ स्थित शाखा कार्यालय गाईघाटबाट ०७६ असार ३१ गते जीवन बीमा गरेका बीमित खड्काको ०७८ असार १५ गते उपचारका क्रममा ललितपुरको भैसेपाटीस्थित मेडिसिटी हस्पिटलमा मृत्यु भएको थियो ।

बीमितलाई नोवेल कोरोना भाईरसको लक्ष्यण देखापरे पश्चात प्रथम पटक ०७८ जेठ २२ मा प्रदेश नं. ०१, विराटरनगरस्थित नोवल मेडिकल कलेज टिचिङ्ग हस्पिटलमा उपचार गराईएको र तंहा उपचारको संम्भव नभए पश्चात जेठ ३० गते हेलिकप्टरबाट ललितपुरस्थित नेपाल मेडिसिटी अस्पतालमा ल्याईएको थियो ।

उक्त रकम कम्पनीका प्रमुख कार्यकारी अधिकृत कवि फुयाँलले एक क्रार्यक्रम माझ बीमितले इच्छाईएको व्यक्ति निजकी श्रीमति सिर्जना खड्कालाई हस्तान्तरण गरेका छन् । सो क्रार्यक्रममा बोल्दै प्रमुख कार्यकारी अधिकृत फुयाँलले कम्पनी सदैव बीमितको हित, बीमाको सरल सेवा प्रवाह, छिटो छरितो तवरमा दाबी भुक्तानी, जीवन बीमाको जनचेतना र न्युनभन्दा न्युन आयसोत्र भएका समूहमा पहुँचका लागि कटिबद्ध रहेको जानकारी दिए ।