नेपाल धितोपत्र बोर्ड सदस्य चन्द्र ढकालले दिए राजिनामा

९ भाद्र, काठमाडौं । नेपाल धितोपत्र बोर्डका सदस्य चन्द्र ढकालले पनि पदबाट राजिनामा दिएका छन् । नेपाल उद्योग वाणिज्य महासंघका वरिष्ठ उपाध्यक्ष समेत रहेका ढकालले नेपाल धितोपत्र बोर्डको सदस्य पदबाट आज बुधबार राजिनामा दिएका हुन् ।

सर्वोत्तम सिमेन्टको शेयर खरिद प्रकरणमा उनको नाम पनि मुछिएका थियो । सोहि प्रकरणमा मुछिएका नेपाल स्टक एक्सचेन्जका प्रमुख कार्यकारी अधिकृत चन्द्रसिंह साउदले पनि मंगलबार पदबाट राजीनामा दिइसकेका छन् ।

नेपाल धितोपत्र बोर्डका अध्यक्ष भीष्मराज ढुंगाना, बोर्डका सदस्य ढकाल र नेप्सेका सीईओ साउदले सर्वोत्तम सिमेन्टको सेयर खरिद गरेको भेटिएको थियो ।