आज थप १,५६२ जनामा काेराेना पुष्टि, १९ संक्रमितको मृत्यु

२९ भदौ, काठमाडौं । नेपालमा पछिल्लो २४ घण्टामा १ हजार ५६२ जनामा कोरोना भाइरस संक्रमण पुष्टि भएको छ । सो अवधिमा कोरोना संक्रमणबाट १९ जनाको मृत्यु भएको छ भने १ हजार ५८९ जना निको भएका छन् ।

स्वास्थ्य मन्त्रालयका अनुसार १० हजार २ सय ६६ पीसीआर परीक्षण गर्दा १ हजार १८० जना र ४ हजार १७७ एन्टिजेन परीक्षण गर्दा ३ सय ८२ गरी १ हजार ५६२ जनामा कोरोना भाइरसको संक्रमण देखिएको हो ।

यसैबीच आज थपिएकामध्ये काठमाडौं उपत्यकाका ४०४ छन् । काठमाडौंमा २९४, भक्तपुरमा ४८ र ललितपुरमा ६२ जनालाई संक्रमण पुष्टि भएको छ ।

अहिलेसम्म नेपालमा ८ लाख ६६ हजार ९०५ जनालाई संक्रमण पुष्टि भइसकेको छ भने ७ लाख ४२ हजार ३०६ जना निको भएका छन् १० हजार ९८४ जनाको मृत्यु भएको छ ।