मानुषी लघुवित्तको शेयर कारोबार कहिले ?

३१ भदौ, काठमाडौं । मानुषी लघुवित्तको दोस्रो बजारमा आगामी सातादेखि कारोबार सुरु हुने भएको छ । हालै आईपीओ बाँडफाँड गरेको आईपीओ सूचीकरणका लागि सिडिएस एण्ड क्लियरिङ्ग लिमिटेडमा दर्ता गराईसकिएको शेयर रजिष्ट्रारले जनाएको छ ।

‘बिहीवारसम्म दोस्रो बजारमा आईपीओ सूचीकृत गराउने योजना छ, शेयर रजिष्ट्रारले भन्यो, ‘सिडिएससीमा आवश्यक प्रक्रिया सम्पन्न गरी आईपीओ सूचीकृत गर्नेछौ ।’

कम्पनीको आईपीओले पहिलो कारोबारका लागि प्रतिकित्ता १३२ दशमलव ६९ देखि ३९८ दशमलव शून्य ७ सम्मको मूल्य रेञ्ज पाउने देखिन्छ । नेप्सेले नयाँ कम्पनी सूचीकृत पश्चात पहिलो कारोबारका लागि कम्पनीको वास्तविक प्रतिशेयर नेटवर्थदेखि त्यसको तीन गुणासम्मको मूल्य रेञ्ज तोक्ने गर्दछ ।