निर्माण सामग्रीको पैसा नतिरेपछि स्कुलविरुद्ध प्रशासनमा उजुरी
नेपालबहस संवाददाता
भदौ ३१, २०७८ बिहिबार २२:१३:१९
◊ सीपी लोहिया
३१ भदौ, बैतडी । बैतडीको सुर्नया गाउँपालिका–२ सिउँडेमा रहेको नेपाल राष्ट्रिय माध्यमिक विद्यालय ग्वानिले मल्टीपल भवन बनाउँदा निर्माण सामग्रीकोे पैसा नतिरेको भन्दै उजुरी परेको छ ।
निर्माण सामग्री बेच्ने दुईजना स्थानीय व्यापारीले आफ्नो पसलबाट सामान लगेको आठ लाख बढी रकम नतिरेको भन्दै जिल्ला प्रशासन कार्यालय बैतडीमा उजुरी दिएका हुन् । उजुरी दिनेमा सुर्नया-२ का गणेश विष्ट र नरेन्द्र विष्ट छन् ।
गणेशको चार लाख ८३ हजार र नरेन्द्रको चार लाख दुई हजार रकम विद्यालयले नतिरेको उजुरीमा उल्लेख छ । ‘हामीले बिक्री गरेको सामानको पैसा नपाएकाले हाम्रो पुँजी रोकिँदा व्यवसाय ठप्प भयो । उजुरी गरेको पनि २० दिन पुगिसक्यो । प्रशासनले गाउँपालिकालाई चिठी लेख्यो । पालिकाले स्कुललाई रकम उपलब्ध गराउन चिठी लेख्यो । तर स्कुलले कुनै मतलव गरेको छैन,’ गणेशले भने ।
विद्यालयको भवन गत आर्थिक वर्षको असार मसान्तमै निर्माण सम्पन्न गरी उधारो रकम तिर्नुपर्नेमा नतिरेको भन्दै विष्टद्वयले उजुरी गरेका हुन् ।
विद्यालयमा निर्माण भएको उक्त दुई तले मल्टीपल भवन निर्माणका लागि आएको रकम अपुग भएकाले उधारो रकम तिर्न बाँकी रहेको विद्यालय व्यवस्थापन समिति सदस्य डम्बरसिंह विष्टले बताए । ‘विद्यालय व्यवस्थापन समितिले प्रधानाध्यापक राजेन्द्र विष्ट र मलाई जिम्मेवारी दिएको थियो । तर मलाई आर्थिक अधिकार दिइएन । काम गर्दा स्टिमेटभन्दा बढी खर्च भयो । त्यसैले निर्माणका लागि प्राप्त भएको पैसा नपुग्दा व्यापारीहरूको पैसा तिर्न सकिएन । अझै पनि स्रोत जुटाएर तिर्छौ,’ उनले भने ।
भवन निर्माणका लागि सुर्नया गाउँपालिकाबाट ३६ लाख रकम प्राप्त भएको, तर भवनको जम्मा लागत ४८ लाख पुगेकाले व्यापारीको पैसा तिर्न समस्या भएको डम्बरसिंह विष्टल बताए । तर स्टिमेटभन्दा १२ लाख खर्च कसरी भयो भन्दै स्थानीयले विरोध जनाएका छन् ।
लागत स्टिमेटभन्दा बढी रकम खर्च भए पनि काम अधुरो रहेकाले काम सम्पन्न गरेपछि स्रोत जुटाएर उधारो रकम तिर्ने विद्यालय ब्यवस्थापन समितिले जनाएको छ । मल्टिपल भवन बनाउन विद्यालय व्यवस्थापन समितिले सदस्य विष्ट र प्रधानाध्यापक राजेन्द्र विष्टलाई लिखित जिम्मेवारी दिएको थियो । तर प्रधानाध्यापक विष्टले भने आफूले जिम्मेवारी लिन नसक्ने भनी व्यवस्थापन समितिलाई मौखिक जानकारी गराएको बताइएको छ ।
विद्यालय व्यवस्थापन समिति अध्यक्षसमेत रहेकी सुर्नया गाउँपालिका उपाध्यक्ष लीला विष्टले गाउँपालिकाबाट स्रोत जुटाएर भए पनि उधारो रकम तिर्ने बताइन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप‘चित्रकला’ र ‘मूर्तिकला’ बाट सीपसँगै जीवनको रङ्ग पहिचान गर्दै विद्यार्थी
बैशाख ३१, २०८१ सोमबार
विद्यालय कर्मचारीलाई दरबन्दीमा कायम गराउन माग
बैशाख २९, २०८१ शनिबार
भवन अभावले एउटै कोठामा दुई फरक-फरक कक्षा सञ्चालन गर्नुपर्ने बाध्यता
बैशाख २५, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
बारामा चोरी सिकारी समूह सक्रिय, वन कार्यालय छेउमै हरिणको सिकार
बैशाख ३१, २०८१ सोमबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
'पुजार सार्की'को तेस्रो गीत 'जाऊँ माया' सार्वजनिक
जेठ १, २०८१ मंगलबार
संघीयता कार्यान्वयन सम्बन्धी थप कानुन बनाइने
जेठ १, २०८१ मंगलबार
कसले बुझ्ला यात्रुका पीडा !
जेठ १, २०८१ मंगलबार
सडक जाम नगरी संसद पुगे राष्ट्रपति पौडेल [ फोटोफिचर ]
जेठ १, २०८१ मंगलबार
संसदमा सरकारका नीति तथा कार्यक्रम प्रस्तुत गर्दै राष्ट्रपति
जेठ १, २०८१ मंगलबार