संविधान विपरीत प्रदेश सरकार धमाधम जिल्ला कार्यालय व्युँताउँदै
नेपालबहस संवाददाता
असोज ५, २०७८ मंगलबार १७:८:१३
५ असोज, पोखरा । संविधान कार्यान्वयनमा आएपछि विगतमा भएका जिल्लास्थित सबै कार्यालय खारेज भए । मालपोतदेखि कृषि, पशु, महिला तथा वालवालिका कार्यालय पनि स्थानीय तहमा समाहित हुनुपर्ने थियो । केही कार्यालय समायोजनमा परे, सम्पत्ति नजिकको स्थानीय सरकारले लियो । तर २०७४ को प्रदेश चुनाव पछि बनेको सरकारले संविधानले खारेज गरेका सबै कार्यालय धमाधम व्युँत्याउन थालेको छ ।
गण्डकीका ११ वटै जिल्लामा भेटेरिनरी अस्पताल तथा पशु सेवा विज्ञ केन्द्र स्थापना भएका छन् । सबै जिल्लामा कृषि ज्ञान केन्द्र खुलेका छन् । साविकको कृषि र पशु विकास कार्यालयमा नाम फेरेर बोर्ड टाँगिएको हो ।
किसानले सामान्य सेवा लिन पनि पोखरा धाउनुपर्ने अवस्था रहेको भन्दै सरकारले जिल्लामै कार्यालय खोलिदिएको हो । पहिलेको भू(संरक्षण कार्यालय अब जलाधार कार्यालयको रुपमा खुल्दै छन् । पहिले भएको जिल्ला शिक्षा कार्यालयलाई हटाएपनि शिक्षा विकास तथा समन्वय इकाईको नाममा सबै जिल्लामा कार्यालयहरू यथावत छन् । मावि तहसम्मको शिक्षा स्थानीय तहको अधिकारभित्र पर्छ । जिल्लामा इकाई राखेर संघले बखेडा निकालेपछि अहिले सामुदायिक विद्यालयको वेहाल छ ।
११ वटै जिल्लामा भौतिक पूर्वाधार विकास मन्त्रालय मातहतका पूर्वाधार विकास कार्यालय खोलिएको छ । सिंचाईका कार्यालय पनि विस्तार भइरहेका छन् । अहिले फेरी सबै जिल्लामा धमाधम सामाजिक विकास कार्यालय उद्घाटन भइरहेका छन् । गाउँगाउँमा सिंहदरबार पुर्याउने परिकल्पना अनुसार पालिकास्तरबाटै जनतालाई सेवा दिने संवैधानिक व्यवस्था भएपनि अहिले मन्त्रालयपिच्छे कार्यालयहरू जिल्लामा खडा भएका हुन् ।
सरकारले ल्याएको नीति र कार्यक्रम कार्यान्वयन गर्न आफू मातहतका कार्यालय नहुँदा समस्या परेको मन्त्रीहरूले बताएका छन् । ‘हाम्रो उद्देश्य स्थानीय तहलाई कमजोर बनाउने होइन । हाम्रा कार्यक्रम कार्यान्वयन गर्ने युनिटको रुपमा मात्रै यि कार्यालयहरू रहन्छन्,’ सामाजिक विकास मन्त्री मेखलाल श्रेष्ठले भने, ‘संविधान विपरित जाने छुट हामीलाई छैन । हामीले जनतालाई नजिकबाट सेवा दिन यस्तो गरेका हौं ।’
दुई साता अघि प्रदेशसभाको अर्थ तथा विकास समितिले पनि सबै जिल्लामा जलाधार कार्यालय खोल्न निर्देशन दिएको छ । ‘दुई जिल्लामा मात्रै कार्यालय हुँदा जनताले सास्ती भोगेका छन् । धेरै दुख पाएका छन्,’ निर्देशन दिँदै सभापति दीपक कोइरालाले भने, ‘अब सबै जिल्लामा कार्यालय खोल्नु । उतैबाट जनतालाई सेवा दिनु ।’ हाल तनहुँ र पर्वतमा मात्रै जलाधार कार्यालय छ । वनका कार्यालय अहिले पनि जिल्लास्तरमा कायम छन् । मौजुदा कर्मचारीबाटै जिल्ला कार्यालय चलाउने दाबी गरेपनि धमाधम करार कर्मचारीहरू भर्ना भएका छन् ।
स्थानीय तहका जनप्रतिनिधिले भने प्रदेशले आफ्नो अधिकार कुण्ठित गरेको आरोप लगाएका छन् । ‘संघले पनि विभिन्न नाममा जिल्ला कार्यालय राख्ने । प्रदेशले त्यसै गर्ने । स्थानीय तहको हैसियत घटाउने काम माथिल्ला सरकारले गरेका छन्,’ गाउँपालिका महासंघ गण्डकीका अध्यक्ष ईश्वर पाण्डेले भने, ‘यो संविधान विपरित छ । त्यस्ता कार्यालय तत्काल खारेज गर्नुपर्छ ।’
नगरपालिका संघका अध्यक्ष दीपकबाबू कँडेल पनि प्रदेश सरकारले जिल्लामा कार्यालय खोल्नु अशोभनीय भएको बताउँछन् । ‘लाखका योजना छुट्याउने । जिल्लामा कार्यालय खोलेर उसैले कार्यान्वयन गर्ने हो भने संघीयता के का लागि ? ’ उनले प्रश्न गरे, ‘प्रदेशको हैसियत के हो ? आफ्नो हैसियत विर्सियो ।’
प्रदेश सरकारले भने आफ्ना आयोजना कार्यान्वयन गर्दा स्थानीय तहले सहयोग नगरेको आरोप लगाएको छ । समयमा काम नहुँदा धेरै बेरुजु रहने र ५० प्रतिशत बजेट खर्च नहुने अवस्था आएपछि कार्यालय खोल्न बाध्य भएको प्रदेशले जनाएको छ ।
‘यो संघीयताको मर्म विपरित छैन । अधिकारभित्र रहेर समन्वय र सहकार्यबाट काम गर्न कार्यालय खोलिएको हो,’ मुख्यमन्त्री कृष्णचन्द्र नेपाली पोखरेलले भने, ‘यसमा स्थानीय तह खुम्चिने अवस्था आउँदैन । संघीयतालाई थप प्रवर्धन गर्नका लागि हो । यसलाई सकारात्मक रुपमा लिनु जरुरी छ ।’
यसरी कार्यालय खोल्दा प्रदेशको चालू खर्च ह्वात्तै बढेको छ । पहिलो वर्ष ३० प्रतिशत हाराहारी रहेको चालू खर्च अहिले ५० प्रतिशत नजिक पुगिसकेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्लाष्टिकजन्य निषेधित वस्तु प्रयोगमा रोक लगाउने तयारी
बैशाख ३१, २०८१ सोमबार
बुल्दीखोलाको स्वरुप फर्काउने प्रयास
बैशाख ३०, २०८१ आइतबार
गण्डकीको रिट न्यायाधीश अब्दुल अजीजको इजलासमा
बैशाख २८, २०८१ शुक्रबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार