चार वर्षमा बैतडीमा १७ सय किलोमिटर सडक
नेपालबहस संवाददाता
असोज ६, २०७८ बुधबार २३:३२:४३
सीपी लोहिया
६ असोज, बैतडी । स्थानीय तह गठन भएको चार वर्षमा बैतडीमा १७ सय किलोमिटर सडक बनेको छ । जिल्लाका १० वटा स्थानीय तहले चार वर्षमा कुल एक हजार सात सय २९ किलोमिटर सडक विस्तार र ट्रयाक खोलेका हुन् ।
जिल्लामा सबैभन्दा बढी पञ्चेश्वर गाउँपालिकाले सडक बनाएको छ । पञ्चेश्वरमा दुई सय ९० किलोमिटर ट्रयाक खुलेको गाउँपालिकाका निमित्त प्रमुख प्रशासकीय अधिकृत भुवन बागले बताए । जसमा दुई सय ५० किलोमिटर गाउँपालिका र ४० किलोमिटर संघीय सरकारको बजेटमा निर्माण भएको उनले बताए । गाउँपालिकाहरूले सडक निर्माणमा हरेक बर्ष कम्तीमा तीन करोडदेखि बढीमा पाँच करोड रुपैयाँसम्म खर्च गरेका छन् ।
यसैगरि शिवनाथ गाउँपालिकाले पनि चार बर्षमा दुईसय ३६ किलोमिटर सडक निर्माण गरेको छ । गाउँपालिका अध्यक्ष कर्णसिंह साउदका अनुसार गाउँपालिकाले हरेक वर्ष कम्तीमा तीन करोड रुपैयाँ सडक निर्माणमा खर्चेको छ। शिवनाथमा दुईवटा सडक केन्द्र र दुईवटा प्रदेश सरकारले निर्माण गरेको छ भने तीन सडकको स्तरोउन्नती गाउँपालिकाले गरेको अध्यक्ष साउदले बताए ।
दशरथचन्द नगरपालिकाले चार बर्षमा दुई सय किलोमिटर सडक निर्माण गरेको छ । ४० वटा सडक निर्माण गरेको नगरपालिकाले बार्षिक तीन करोडदेखि सात करोडसम्म सडकमा खर्च गरेको इन्जीनियर जयसिंह बोहराले बताए । पाटन नगरपालिकाले एक सय ८० किलोमिटर सडक निर्माण गरेको छ भने मेलौली नगरपालिकाले पनि एक सय ८० किलोमिटर सडक निर्माण गरेको छ ।
पाटनको हरेक वडामा कम्तीमा १५ किलोमिटर सडक
हरेक वडामा कम्तीमा १५ किलोमिटर सडक खनेको पाटन नगरपालिकाले पछिल्लो चार वर्षमा ५० भन्दा बढी सडक निर्माण गरेको प्रवक्ता लोकबहादुर भण्डारीले बताए । मेलौली नगरपालिकाले सबै वडामा गरेर हालसम्म ३२ सडक निर्माण गरेको नगर प्रवक्ता सुरत नेगीले बताए । मेलौलीले पनि वार्षिक तीन करोड रुपैयाँ सडक निर्माणमा खर्च गर्दै आएको उल्लेख छ ।
दोगडाकेदार गाउँपालिकाले हालसम्म एक सय ६१ किलोमिटर सडक निर्माण गरेको अध्यक्ष चक्र कार्कीले बताए । दोगडाकेदारस्थित प्रदेश सरकार मातहत रहेको एउटा सडक स्तरोउन्नती भइरेको छ ।
जिल्लाको पुर्चौडी नगरपालिकाले एक सय ५० किलोमिटर सडक निर्माण गरेको छ । सबै वडालाई कच्ची सडकले छोएको पुर्चौडीमा हालसम्म १८ वटा सडक खनिएको गाउँपालिकाका प्रमुख प्रशासकीय अधिकृत वीरबहादुर नेपालीले बताए । पुर्चौडीका १० वडामध्ये आठ वडा कार्यालयसम्म कच्ची सडक पुगेको छ । दसई वडा कार्यालयमा सडक पुग्न बाँकी छ ।
सुर्नया गाउँपालिकाले हालसम्म १०९ किलोमिटर सडक ट्रयाक खोलेको जनाएको छ । चार बर्षमा २० वटा सडक खनेको सुर्नयाले वार्षिक दुईदेखि चार करोडसम्म सडक निर्माणमा खर्चेका छ । प्रदेश गौरवको आयोजना अन्तर्गत रहेको गाउँपालिकाको सतवाँज श्रीभावर सडक भने प्रदेश सरकारले कालोपत्रे गरिरहेको छ ।
जिल्लाको सबैभन्दा दुर्गममा रहेको सिगास गाउँपालिकाले चार बर्षमा एकसय तीन किलोमिटर सडक खनेको छ । जम्मा १० वटा सडक खनेको सिगासले बार्षिक पाँच करोड रुपैयाँसम्म सडक निर्माणमा खर्च गरेको छ । सिगासमा प्रदेश सरकारमार्फत एक र केन्द्र सरकारबाट एक सडक निर्माण भएको गाउँपालिका अध्यक्ष हरिसिंह धामीले बताए ।
डिलाशैनी गाउँपालिकाले हालसम्म एक सय १९ किलोमिटर सडक निर्माण गरेको छ । साना ठूला गरेर १० वटा सडक खनेको गाउँपालिकाले वार्षिक दुईदेखि तीन करोड रुपैयाँसम्म सडक निर्माणमा खर्च गरेको इन्जीनियर सुदीप बोहराले बताए ।
बैतडीका सबै स्थानीय तहमा खनिएका सडक कालोपत्रे गर्न भने बाँकी छ । केही स्थानीय तहले स्तरोन्नतीको रुपमा मुख्य सडकहरूलाई ग्राबेल गर्न थालेका छन् भने अन्य सडक कच्ची रहेको र बाह्रै महिना सवारीसाधान चल्ने अवस्थामा छैनन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपर्यटकीय सम्भावना बोकेका प्राकृतिक ताल ओझेलमा
बैशाख २४, २०८१ सोमबार
हेल्थ डेस्कका स्वास्थ्यकर्मी १० महिनादेखि तलब नपाउँदा निराश
बैशाख २४, २०८१ सोमबार
बाँकेमा १०५ आगलागीका घटना, ५ हजार हेक्टर वनमा डढेलो
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
एनआईसी एशिया बैंकद्वारा राष्ट्रिय महिला फुटबल टोलीलाई सम्मान
बैशाख २४, २०८१ सोमबार
डढेलो नियन्त्रण गर्न प्रभावकारी समन्वय जरुरी : विज्ञ
बैशाख २४, २०८१ सोमबार
ग्लोबल आइएमई बैंक र बडीमालिका नगरपालिकाबीच कर्जा सहजीकरण सम्झौता
बैशाख २४, २०८१ सोमबार
ललितपुर आगलागीमा घाइते भएका दुई बालिकाको मृत्यु, दुईको अवस्था गम्भीर
बैशाख २४, २०८१ सोमबार
डिभोर्स गर्न अदालत पुगेका श्रीमानद्वारा श्रीमती कुटिए
बैशाख २४, २०८१ सोमबार
राजदूत प्रा. खत्रीसँग शिविर सञ्चालन नगरेको नेजाको गुनासो
बैशाख २४, २०८१ सोमबार