नबिल ब्यालेन्स फण्ड–३ को इकाई बाँडफाँड

७ असोज,काठमाडौं । नबिल म्युचुअल फण्ड अन्तर्गत सञ्चालन हुने नबिल ब्यालेन्स फण्ड–३ को इकाई बाँडफाँड भएको छ ।

बिहीवार बिहान नबिल इन्भेष्टमेण्ट बैकिङको कार्यालयमा उक्त इकाई बाँडफाँट भएको हो । फण्डले भदौ २५ गतेदेखि २९ गतेसम्म १० करोड इकाई निष्कासन गरेको थियो ।

निष्कासित इकाईमध्ये कुल विक्री भएको इकाईको १५ प्रतिशत अर्थात् १ करोड ५० लाख इकाईमध्ये १४ प्रतिशत अर्थात् १ करोड ४० लाख इकाई कोष प्रबर्द्धक नबिल बैंकलाई सुरक्षित गरेको छ ।

त्यसैगरी १ प्रतिशत अर्थात् १० लाख इकाई योजना व्यवस्थापक नबिल इन्भेष्टमेण्ट बैंकिङलाई सुरक्षित गरिएको र बाँकी रहेको ८ करोड ५० लाख इकाई लागि सर्वसाधारणलाई निष्कासन गरिएको थियो । उक्त इकाईमा १ लाख ४३ हजार २५१ जना आवेदकले २२ करोड ९४ लाख २३ हजार १७० इकाईका लागि आवेदन दिएका थिए ।

१०० इकाईदेखि १६ हजार इकाईसम्म माग गर्ने आवेदकहरुले माग गरे बमोजिम नै पाएका छन् । त्यसैगरी १७ हजार इकाईदेखि १ करोड इकाईसम्म माग गर्ने आवेदकहरुलाई १६ हजार ६७० इकाई र बाँकी रहेको २ हजार ३८० इकाई २३८ जनालाई १० इकाईको दरले थप बाँडफाँड गरिएको छ ।