दुई दिन पैदल हिँडेर चामल किन्न गएकी जुनकला आँशु झार्दै घर फर्किन्
नेपालबहस संवाददाता
असोज ८, २०७८ शुक्रबार १८:८:५२
जीवन कैला
८ असोज, बाजुरा । बाजुराको हिमाली गाउँपालिका-२ बिच्छँयाकी जुनकला बुढा साहूसँग सयकडा पाँच रुपैयाँ ऋण काढेर चामल किन्न दुई दिन लगाएर कवाडी डिपो पुगिन् । विपन्न परिवारकी बालिका जुनकला महँगो ऋण काढेर चामल किन्न जाँदा पनि पाइनन् । तर, कवाडी डिपोमा एक दाना पनि चामल थिएन ।
दुई दिन पैदल हिँडेर चामल किन्न गएकी जुनकला चामल नपाएपछि रुँदै घर फर्किन् । पाँचजनाको परिवार रहेको जुनकलाका बुवा बिरामी छन् । आमा अशक्त छिन् । त्यसैले उनी आफैं चामल लिन टाढाको डिपोमा पुगेकी हुन् ।
‘आमा हिँड्न सक्नु हुन्न । बिरामी बुवा आउन सक्नुभएन, त्यसैले म आएँ । तर डिपोमा चामल नै रहेनछ,’ उनले आँखाभरि आँशु झार्दै भनिन् । रित्तो हात घर जानुपर्दा उनी निकै दुःखी छन् । ‘कोल्टी डिपो पुग्न त्यहाँबाट अझै एकदिन लाग्छ, उतै बास बस्नुपर्छ । अब कसरी रित्ता हात लिएर घर जानू ?’ उनले न्युज कारखानासँग भनिन् ।
जुनकला जस्तै धर्मा बुढा पनि चामल नपाएपछि खाली हात घर फर्केकी छन् । ‘हाम्रो दुःख सरकारले हेर्दैन, पैसा छ, तर चामल किन्न पाइएन,’ उनले भनिन् । चामल नपाएपछि सिस्नोले छाक्क टार्ने उनले बताइन् ।
समयमै खाद्यान्न ढुवानी गर्दैनन् ठेकेदार
ठेकेदारले समयमै चामल ढुवानी नगर्दा बाजुराको हिमाली गाउँपालिकामा खाद्य संकट उत्पन्न भएको छ । गत असोजमै ठेकेदारले हिमाली गाउँपालिकाको कवाडी डिपोमा चामल ढुवानी गरिसक्ने ठेक्का सम्झौता गरेका थिए । तर अहिलेसम्म ल्याउन नसक्दा चरम खाद्य संकट भएको हिमाली गाउँपालिका–५ का वडाध्यक्ष अम्मलाल कार्कीले बताए ।
बिच्छँयामा मात्र चार हजार जनसंख्या छ । स्थानीय उत्पादनले वर्षमा दुई महिना पनि खान पुग्दैन । हिमाली गाउँपालिका बाजुराको सर्वाधिक विकट गाउँपालिका हो । गाउँपालिका पुग्न सदरमुकाम मार्तडीबाट एक साता लाग्ने गर्छ ।
आर्थिक वर्ष ०७७–७८ मा मार्तडी शाखाका लागि नौ हजार एक सय चार क्विन्टल, कोल्टी शाखाका लागि आठ हजार क्विन्टल, कवाडी डिपोका लागि २२ सय क्विन्टल चामलको कोटा थियो । गत आर्थिक वर्षको सबै चामल बिक्री गरेकाले संस्थानमा ताला लगाएको खाद्य व्यवस्था तथा व्यापार कम्पनी लिमिटेड मार्तडी शाखा प्रमुख मेखराज ओझाले बताए ।
यो आर्थिक वर्षमा मार्तडीका लागि ६ हजार, कोल्टीका लागि सात हजार र कवाडी डिपोका लागि तीन हजार क्विन्टल स्वीकृत भएको छ । तर ढुवानीको प्रक्रिया कुनै अगाडि नबढेको खाद्य व्यवस्था तथा व्यापार कम्पनी लिमिटेड बाजुरा शाखा प्रमुख मेखराज ओझाले बताए । दशंैमा पनि चामल आउने सम्भावना नरहेको उनको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयी ५ बानीले शनिदेव रिसाउँछन्, टाढा रहनुहोस्
बैशाख १४, २०८१ शुक्रबार
शनिदेवको पूजामा गल्तीले पनि नगर्नुहोस् यी चिजको प्रयोग
बैशाख १४, २०८१ शुक्रबार
मधुमेह बिरामीहरुको लागी स्वस्थ खाजा कसरी बनाउने ?
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार