कामना सेवाको डीजीटल वालेट संचालनमा

८ असोज, काठमाडौं । कामना सेवा विकास बैंकले डीजीटल वालेट सेवा संचालनमा ल्याएको छ । छिटो कनेक्ट र मनम इन्फोटेकको सहकार्यमा के.एस. डिजी (डिजिटल वालेट) सेवा बैंकले पहिलो पटक सेवा संचालनमा ल्याएको बताएको छ ।

यस सेवाको प्रयोग गरी बैंकमा खाता नभएका मानिसले पनि घरमै बसी झन्झटरहित तवरले मात्र केहि कागजातहरु अपलोड गरी के.एस वालेट खोल्न सक्छन् ।

हिजो बैंकका प्रमुख कार्यकारी अधिकृत प्रविण बस्नेतले एक कार्यक्रमकाबीच उक्त वालेट सेवाको सुभारम्भ गरेका हुन् । डिजिटल वालेट खोल्न एपमा अनुहार पहिचान गर्न सक्ने सफ्टवेयर Artificial Intelligence (AI) को प्रयोग भएको छ । साथै, खाता खोल्न, ऋण आवेदन गर्न, Inter Operable QR, mCash लगायतका बैकिङ सेवा तथा सुविधाहरु रहेका छन् ।

बैंकले देशका विभिन्न भागहरुमा १२९ वटा शाखा, १ वटा ऐक्सटेन्सन काउन्टर तथा ७६ वटा एटीएममार्फत ग्राहकहरुलाई आफनो सेवा तथा सुविधाहरु प्रदान गर्दै आएको छ । कामना सेवा पछिल्लाे समय डीजीटल बैंकिङ सेवाहरुमा अब्वल बैंकको रुपमा स्थापित हुने प्रयास गरिरहेको छ ।