रुपन्देहीमा तस्करीको लाइन खुलाउन एसपी केसी सक्रिय, सशस्त्र प्रहरीको पनि सेटिङ
नेपालबहस संवाददाता
कात्तिक २, २०७८ मंगलबार १८:१७:३७
२ कार्तिक, काठमाडौं । तीन महिना अघि रुपन्देही पुगेका प्रहरी प्रमुख मनोज कुमार केसीको पहिलो प्रतिवद्धता जिल्लामा तस्करी रोक्ने थियो । जिल्ला कार्यभार सम्हालेको भोलिपल्टै उनले सञ्चारकर्मी, व्यापारी, उद्योगी, दलका नेता–कार्यकर्तासित भलाकुसारी गर्दै तस्करी नियन्त्रण गर्ने पहिलो काम भएको बताएका थिए । ‘तस्कर’ पक्राउ गरेर ठेगान लगाउने प्रतिवद्धता जनाए अनुरुप मातहतका युनिट परिचालन गरे ।
जिल्लामा हलचल भयो । यस्तो सक्रियताले केही समय यस्तो कारोबारमा संलग्न निरुत्साहित बनेको देखियो । प्रशासन तातेपछि तस्करीमा संलग्न लाइन मिलाउन सक्रिय भए । उनीहरु पनि के कम ? कडाईबारे गुनासो गर्न शक्ति केन्द्र धाउन थाले । तालमेल मिलाउन दबाब दिन थाले । तस्करी नियन्त्रणमा सक्रिय प्रहरीले दुःख दिएको आरोप लगाउन थाले । एसपी केसीको त्यो दाबी छोटो समयमै तुहियो ।
‘एसपी केसीले नयाँ प्रहरी प्रमुख आएको जानकारी दिन पो कडाइ गरेका रहेछन् जब लाइन मिल्यो तब उनका प्रतिबद्धता लाइन खुलाउन केन्द्रीत भयो’, रुपन्देही प्रहरीका एक अधिकृतले भने । अहिले प्रहरीको सेटिङमा ठुलो तस्करी हुने गरेको छ । केसीको प्रतिवद्धता विपरीत जिल्लामा तस्करी हुँदा समेत प्रहरीले कुनै चासो नदेखाएपछि उनकै मिलोमतो भएको त्यहीका अधिकृतहरुले बताउन थालेका छन् ।
सीमावर्तीका बासिन्दा यस क्षेत्रका व्यावसायी भने ‘तस्करीको लाइन’ नमिल्दासम्म कडा प्रतिवद्धता सुनिन्छन् । जब लाइन मिल्छ, त्यसपछि प्रशासन लगायत सरोकारवाला ‘तै चुप, मै चुप’ हुने गरेको गुनासो बाहिर आएको छ । क्यानडा तथा अन्य तेस्रो मुलुक हुँदै नेपाल भित्रिने केराउ मध्य पचास प्रतिशत भन्दा बढी भारत निकासी हुने गरेको छ ।
जिल्लामा बजारमा अहिले हरियो केराउ ८० देखी ९० रुपैयाँ प्रतिकिलोमा उपलब्ध छ । भारतमा यही मटरको मूल्य भारतीय एक सय रुपैयाँसम्ममा बिक्री हुने हुनाले यस्को तस्करी बढेको हो । सुरक्षा निकायले लाइन नमिल्दासम्म समान समात्ने र लाइन मिलेपछि लाभ लिएर सामान छाड्ने गरेका छन् ।
भारतसँग सीमा जोडिएका रुपन्देहीका सबैजसो नाकाबाट तस्करी हुने गरेको छ । अहिले सबैभन्दा बढी तस्करी हुने नाका सेमलपानी, मर्चवार, कर्महवा, दुर्गौलिया, मेउडिहवा, बुचीबर्मा, लुम्बिनी हुन् । यहाँबाट मोबाइल, कपडा र हार्डवेयर बढी मात्रामा तस्करी हुने गरेको छ । यी नाकाबाट मोटरसमेत तस्करी हुने गरेको छ । यस्तै, बेलहिया, बोगटी, करौता, कक्रहवा, भगवानपुर, कालिदहबाट पनि तस्करी हुने गरेको छ ।
रुपन्देहीका सबैजसो नाकाबाट तस्करी हुन्छ । तस्करी गर्नेमध्ये रहमोद मुसलमान, समीर मुसलमान, खली यादव सबैभन्दा ठूला तस्कर हुन् । उनीहरुले कपडा, मोटरपार्ट्स, हार्डवेयर तस्करी गर्छन् । यस्तै छोटु, महावीर, अफरोज खाँन, प्रेम, शैलेश, लल्लु, हैदर अली, शैलेन्द्र, वीरेन्द्र, मोविन, मास्टर, सुवास, अमरजित, अब्दुल, सीताराम, प्रकाश नामका तस्करहरुले प्रहरीसँगको सेटिङमा तस्करी गर्दै आएका छन् । रुपन्देहीमा भारतबाट नेपालतर्फ सबैभन्दा बढी तस्करी हुने भनेको कपडा र मोबाइल, हार्डवेयर, सूर्ति हो ।
यस्तै, मोटर पार्टस्, ब्याट्री, काजु किसमिस, चिनी, किराना समान लगायत तस्करी हुन्छ । नेपालबाट भारततर्फ मरिच, छोडा, केराउ, कवाड तस्करी हुँदै आएको छ । सीमा क्षेत्रमा तस्करहरुले गोदाम बनाएका छन् । नेपाली भित्रिने तस्करीको सामान भैरहवा, बुटवलका बजारमा मात्रै होइन, पोखरा, काठमाडौंसम्म पुग्ने गरेको छ ।
यो तस्करीमा सशस्त्र प्रहरीका निरीक्षक कृष्ण अर्यालले सहयोग गर्दै आएका छन् । सेटिङ मिलाउनै लागि एक्लै काज सरुवा मिलाएर रुपन्देही गएका हुन् । उनी गत साउनमा सशस्त्र प्रहरी मूख्यालयलाई दबाब दिएर सरुवा भएका थिए । डण्डा विओपी सरुवा भएका अर्यालले रुपन्देहीभरीकै नाकमा सेटिङ गर्ने गरेका छन् ।
उनले सशस्त्र प्रहरी मात्र होइन नेपाल प्रहरीलाई पनि सेटिङ गरेर सामान तस्करीमा सहयोग गरिरहेका छन् । उनले सशस्त्र प्रहरीका अतिरिक्त कांग्रेसका केही नेताहरुलाई सशस्त्र प्रहरीका एकाउण्टेण्ट शोभा ढकाल मार्फत च्यानल मिलाउने गरेका छन् । एकाउण्टेण्ट ढकालले आफू गृहमन्त्रीको मान्छे हुँ, हुनेवाला आइजपीको मान्छे हुँ भन्दै सेटिङ मिलाउने गरेका छन् । ढकाल हाल प्रहरी प्रशिक्षण प्रतिष्ठानमा कार्यरत छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
सरकारको प्राथमिताः गोलीगठ्ठा उत्पादनमा स्वदेशमै आत्मनिर्भर
जेठ १, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
सिनेमाघर एपमा रिलिज भयो ‘चपली हाइट ३’, विश्वभरबाट हेर्न सकिने
जेठ २, २०८१ बुधबार
प्रधानमन्त्रीले जेठ ६ गते प्रतिनिधि सभामा सांसदसँग प्रश्नोत्तर गर्ने
जेठ २, २०८१ बुधबार
चिनियाँ विद्युतीय कारमा अमेरिकाले चार गुणा कर बढायो
जेठ २, २०८१ बुधबार
कुमारी बैंकका ग्राहकलाई फिट लाईफ क्लबबाट प्रदान गरिने सेवाहरुमा १५% छुट
जेठ २, २०८१ बुधबार
भरतपुर अस्पतालमा रक्तसञ्चार केन्द्र सञ्चालन
जेठ २, २०८१ बुधबार
कति छ नरेन्द्र मोदीको सम्पत्ति ?
जेठ २, २०८१ बुधबार