भकारीमा थन्काउने बेलाको धान खेतमै उम्रेर जमरा बन्यो
नेपालबहस संवाददाता
कात्तिक ५, २०७८ शुक्रबार २०:१६:९
रुद्र सुवेदी
५ कात्तिक, नेपालगञ्ज । बाँके नेपालगञ्ज–२२ पुरैनीका धर्मु गोडिया चिन्तित अवस्थामा देखिन्छन् । उनको यो अवस्था हुनुको कारण गत आइतबारदेखि निरन्तर भएको वर्षातले धान सखाप पारेपछिको हो । आठ जनाको परिवार रहेको गोडिया परिवारको वर्षभरी खान पुग्ने धान हेर्दाहेर्दै लगातारको हावाहुरीसँगैको पानीले डुबाएर सखाप पारेको छ ।
‘पाकेर काटेको धान उठाउन नपाउँदै पानी परेर डुबायो । केही काट्न नपाउँदै हावाहुरीले ढलाएर पानीमै डुबायो । काटेको पनि क्षति, नकाटेको धानमा पनि क्षति भयो’, उनले आफ्नो पीडा पोखे ।
उनले करिब एक विगाह जमिनमा लगाएको धान पानीका कारण सखाप भएको बताए । खेतमै उम्रेर जमरा बनेको धानका बाला देखाउँदै उनले भने, ‘नकाटौँ वर्षभरी खाउँला भनेर गरेको दुःख, काटाँै जमरा जस्तो उम्रेको धान, के गरौँ ।’
बाँकेमा लगाइएको धानखेतमा यतिबेला पानीले भरिएको छ । किसानहरू आफ्नो मिहेनत जोगिन्छ कि भन्दै पानीमै डुबेर भए पनि डुबेको धान काटेर अग्लो ठाउँमा सुकाउन व्यस्त छन् ।
‘अलिकती भए पनि केही जोगिन्छ कि भनेर पानीमा डुबेको धान ओभानो ठाँउमा सार्दै छु । पानीमै कुहेर गन्हाउन थालेको छ । तै पनि झिनो आशले यो दुःख गर्दै छु’, बाँके डुडुवा–४ खालेमसाहका माताप्रसाद कुर्मीले भने ।
लागतार चार दिनसम्म परेको पानीले उनको १३ कठ्ठामा लगाएको धान सबै सखाप पारेको छ । ‘वर्षभरी खाएर बचेको धान बेच्ने गरिन्थ्यो, तर यो वर्ष के खाने हो रु फलेको धान केही खेतको पानीमा डुबेर उम्रेको छ । केही कुहेर गन्हाएको छ’, उनले भने । कुर्मीकै छिमेकी साईना साईले काटेर खेतमा छाडेको धान कुहेर गन्हाउन थालेको बताइन् ।
माथिका गोडिया, कुर्मी र साई त बाँकेका किसानका प्रतिनिधि पात्र मात्र हुन् । उनीहरूको जस्तो पीडा जिल्लाका सबै किासनले भोग्नु परेको छ । असोजको अन्तिम सातादेखि परेको पानीका कारण बाँकेका किसानले लगाएको धान सखाप भएको छ । काटेको धान होस् वा नकाटेको धान खेतका गह्रामै उम्रिएको तथा कुहेर गन्हाएको अवस्थामा छ ।
जिल्ला कृषि ज्ञान केन्द्र बाँकेका अनुसार करिब १७ हजार पाँच सय हेक्टर जमिनको धानखेती पूर्ण रूपले डुबेर नष्ट भएको अनुमान गरिएको छ । लगातारको वर्षातको कारण किसानले काटेर खेतमै छाडेको करिब सात हजार पाँच सय हेक्टर जमिनको धान र हावाहुरीका कारण करिब १० हजार हेक्टर जमिनको धान खेतमै ढलेर पानीमा डुबेको कारण नष्ट भएको कृषि ज्ञान केन्द्र बाँकेका बाली विकास अधिकृत शकिल अहमदले जानकारी दिए ।
बाँकेमा ३६ हजार पाँच सय हेक्टरमा धानखेती गर्ने गरिएको जानकारी दिँदै उनले भने, ‘करिब १० प्रतिशत किसानले मात्र हारबेस्ट गरी धान भित्र्याएको अवस्थामा आएको पानीले बाँकेमा धानखेती अत्यन्त प्रभावित बनाएको छ ।’
उनले वर्षात हुनुअघि केन्द्रले बाँकेमा गरेको प्रारम्भिक सर्भेक्षण अनुसार प्रति हेक्टर ४ दशमलभ ५ मेट्रिक टनका दरले उत्पादन हुने आंकलन गरिएकोमा वर्षातपछि काटेको धान पानीमा डुब्दा र नकाटेको धान खेतमा भरिएको पानीले डुबाउँदा करिब ६० प्रतिशतभन्दा बढी धान नोक्सान हुने आंकलन गरिएको बताए ।
जिल्लाका आठवटै पालिकाका कृषि शाखा र ज्ञान केन्द्रले वर्षातले पारेको क्षतिको तथ्यांक संकलनको लागि किसानको खेतखेतमा जाने गरी खटिएका छौँ । करिब एक साताभित्र पूर्ण तथ्यांक आउन सक्छ’, उनले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपखडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार
कालीकोट जिल्लाकै नमूना स्याउ फोइमहादेवमा
बैशाख १३, २०८१ बिहिबार
आजदेखि चिया निर्यातमा भारतीय अवरोध हट्यो
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
चुनाव जित्नेमा विश्वस्त छु : सुहाङ नेम्वाङ
बैशाख १५, २०८१ शनिबार
इलाम उपनिर्वाचन : कांग्रेस उम्मेदवार खड्काले गरे मतदान
बैशाख १५, २०८१ शनिबार
नयाँ आविष्कार- अब इलेक्ट्रोनिक ग्याजेट हथौडाले हने पनि नफुट्ने
बैशाख १५, २०८१ शनिबार
सबैभन्दा धेरै रेमिट्यान्स भित्र्याउने बैंकको रुपमा ग्लोबल आइएमई सम्मानित
बैशाख १५, २०८१ शनिबार
बागलुङ–म्याग्दी सडक कालोपत्र गरिँदै
बैशाख १५, २०८१ शनिबार
भारतको सहयोगमा चितवनमा उच्च प्रभाव सामुदायिक विकास परियोजनाको निर्माण
बैशाख १५, २०८१ शनिबार