गुराँस लघुवित्तको शेयर मुल्य समायोजन

८ कात्तिक, काठमाडौं । गुराँस लघुवित्त वित्तीय संस्थाको शेयर मुल्य समायोजन भएको छ । नेपाल स्टक एक्स्चेञ्ज (नेप्से)ले सोमबार (आज) संस्थाको १६ दशमलब ९० प्रतिशत बोनसपछिको शेयर मुल्य समायोजन गरेको हो ।

नेप्सेले शेयर मुल्य समायोजन गरेसँगै संस्थाको शेयर मुल्य प्रतिकित्ता एक हजार तीन सय ४८ दशमलब नौ रुपैयाँ कायम भएको छ । आजको शेयर बजारमा कम्पनीको पहिलो कारोबार प्रतिकित्ता एक हजार तीन सय ४८ दशमलब नौ रुपैयाँबाटै सुरु भएको छ । यसअघि आइतबार कम्पनीको अन्तिम कारोबार प्रतिकित्ता एक हजार पाँच सय ७६ रुपैयाँमा भएको थियो ।