देशभर थप ३०८ जनामा कोरोना पुष्टि, ३ संक्रमितको मृत्यु

१० मंसिर, काठमाडौं । पछिल्लो २४ घण्टामा देशभर थप ३०८ जनामा कोरोना पुष्टि भएको छ । सो अवधिमा कोरोना संक्रमणबाट ३ जनाको मृत्यु भएको छ भने २९८ जना निको भएका छन् ।

७ हजार १ सय ४ जनाको पीसीआर परीक्षण गर्दा २८१ जना र १ हजार ८ सय ५ जनाको एन्टिजेन परीक्षण गर्दा २७ जना गरी ३०८ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

हाल देशभर सक्रिय संक्रमितको संख्या ७ हजार ३४९ जना रहेका छन् ।