करिब तीन प्रतिशतले घट्यो नेप्से

१२ मंसिर, काठमाडौं । साताको पहिलो दिन आइतबार नेप्से करिब तीन प्रतिशतले घटेको छ । यस दिन नेप्से परिसूचक ८० दशमलव २९ अंकले घटेर २६५१.४९ विन्दुमा कायम भएको छ ।

यस दिन कारोबारमा आएका २३४ कम्पनीले १ करोड १९ लाख ३ हजार २०२ कित्ता शेयर खरिदबिक्री हुँदा ५ अर्ब ८३ करोड ५१ लाख ३५ हजार ५५ रुपैयाँको कारोबार भएको छ ।

नेप्सेमा रहेका १३ उपसूचक नै आज राताम्य भएका छन् । सर्वाधिक निर्जीबन बीमा समूह र जीवन बीमा समूहको घटेको छ ।

नेप्से उच्च अंकले घटेको दिन यी पाँच कम्पनीको शेयरखरिदबिक्री धेरै

यस दिन महालक्ष्मी विकास बैंकको २९ करोड ८१ लाख ९१ हजार १६१ रुपैयाँको कारोबार भएको छ । त्यस्तै, पुनर्बीमा कम्पनीको २३ करोड ४८ लाख, नेशनल हाइड्रोको २२ करोड ८५ लाख, नेपाल टेलिकमकको १९ करोड र निर्धन उत्थानको १६ करोड २० लाखको कारोबार भएको छ ।