बल्ल सार्वजनिक गर्यो नेपाल पुनर्बीमा कम्पनीले चौथो त्रैमासिक रिपोर्ट, कुन सुचक कस्तो ?

१३ मंसिर, काठमाडौं । नेपाल पुनर्बीमा कम्पनीले बल्ल चौथो त्रैमासिक रिपोर्ट सार्वजनिक गरेको छ ।

नेप्सेमा सूचीकृत कम्पनीले चालु आर्थिक वर्षको प्रथक त्रैमासिक रिपोर्ट सार्वजनिक गरिसक्दा नेपाल पुनर्बीमा कम्पनीले भने बल्ल गत वर्षको चौथो त्रैमासको रिपोर्ट सार्वजनिक गरेको हो ।

नेपाल पुनर्बीमा कम्पनीले गत वर्षको चौथो त्रैमासमा मुनाफा एक अर्ब १६ करोड रुपैयाँ मुनाफा गरेको छ ।

अघिल्लो वर्षमा कम्पनीले एक अर्ब १२ करोड रुपैयाँ मुनाफा आर्जन गरेको थियो । अघिल्लो वर्षको तुलनामा गत वर्षको मुनाफा ३.८८ प्रतिशत बढि हो ।

चौथो त्रैमाससम्ममा कम्पनीले जीवन बीमा व्यवसाय तर्फ १५ करोड ४३ लाख रुपैयाँ मुनाफा आर्जन गरेको छ भने निर्जीवन तर्फ भने एक अर्ब एक करोड रुपैयाँ रहेको छ ।

कम्पनीले जीवन तथा निर्जीवन सहित ९ अर्ब ४३ करोड रुपैयाँ खुद बीमा शुल्क आर्जन गर्न सफल भएको छ । अघिल्लो वर्षको यहि अवधिमा कम्पनीले ६ अर्ब ८६ करोड रुपैया आर्जन गरेको थियो । अघिल्लो वर्षको तुलनामा कम्पनीले ३७।३० प्रतिशतले खुद बीमा शुल्क आर्जन बृद्धि गर्न सफल भएको हो ।

कम्पनीले निर्जीवन तर्फको पुनर्बीमा व्यवसाय मार्फत ८ अर्ब २३ करोड रुपैयाँ खुद बीमा शुल्क आर्जन गर्न सफल भएको छ । त्यस्तै जीवन तर्फ भने एक अर्ब २० करोड रुपैयाँ रहेको छ ।

कम्पनीले निर्जीवन तर्फको पुनर्बीमा व्यवसाय ल्याउदा दुई अर्ब ४६ करोड रुपैयाँ खर्च गरेको छ । अघिल्लो वर्षको यहि अवधिमा कम्पनीले २ अर्ब ६ करोड रुपैया खर्च गरेको थियो ।

नेपाल पुनर्बीमाको चुक्ता पूँजी १० अर्ब रुपैयाँ रहेको छ भने जगेडा कोषमा तीन अर्ब ३३ करोड रुपैयाँ जम्मा गर्न सफल भएको छ । कम्पनीको दाबी भुक्तानी ७० प्रतिशतले बढेको छ ।

कम्पनीको प्रतिशेयर आम्दानी भने ११ रुपैयाँ ६८ पैशाा रहेको छ भने प्रतिशेयर नेटवर्थ १५८ रुपैयाँ १७ पैशा रहेको छ ।