एनआईसीले ऋण लगानी र निक्षेप संकलनमा छलाङ मार्दा मुनाफामा १६.५७ प्रतिशतको कमाल, निष्कृय कर्जा ०.४७ प्रतिशतमा सीमित
नेपालबहस संवाददाता
माघ ९, २०७८ सोमबार ०:१८:५४
९ माघ, काठमाडौं । एनआईसी एशिया बैंक लिमिटेडले गत वर्षको तुलनामा १६.५७ प्रतिशतले आफ्नो मुनाफा बढाएको छ । बैंकले चालु आर्थिक वर्षको दोस्रो चौमाससम्म आइपुग्दा दुई अर्ब ४० करोड रुपैयाँ मुनाफा आर्जन गरेको हाे । अघिल्लो बर्ष बैंकले दुई अर्ब ६ करोड रुपैयाँ मुनाफा गरेको थियो।
बैंकले खुद व्याज आम्दानी ३२ दशमलव ८१ प्रतिशतले बढाएर ५ अर्ब २४ करोड रुपैयाँ आर्जन गरेको छ । गतवर्ष यस्तो आम्दानी ३ अर्ब ९४ करोड रुपैयाँमात्र थियो । बैंकले ६ महिनामा २ खर्ब ९४ अर्ब करोड रुपैया निक्षेप संकलन गरि २ खर्ब अर्ब ६१ करोड रुपैयाँ ऋण लगानी गरेको छ । गतवर्ष यसै अवधिमा बैंकले २ खर्व ८७ अर्ब निक्षेप संकलन गरि २ खर्ब ४८ अर्ब ऋण लगानी गरेको थियो।
बैंककाे खराब कर्जा ०.४७ प्रतिशतमा झरेको छ । बैंकको प्रतिशेयर आम्दानी बढेर ४१ रुपैयाँ ५४ पैशा, मुल्य आम्दानी अनुपात २१.२५ प्रतिशत र प्रतिशेयर नेटवर्थ १९९.८९ रुपैयाँ रहेको छ ।
३५८ शाखा र करिब ४ हजार कर्मचारी
अहिले बैंकको शाखा संख्या ३५८ पुगेको छ भने कर्मचारी संख्या ३ हजार ७९२ पुगेको छ । वाणिज्य बैंकहरुमा सबैभन्दा बढी शाखा हुने भएको बैंकमा एनआईसी एशिया पर्छ । बैंकले ४७३ एटीएम, ७० वटा विस्तारित काउन्टर एवं ८१ वटा शाखारहित बैंकिङ्गमार्फत् बैंकिङ्ग सेवा प्रदान गरिरहेको छ ।
३३ लाख भन्दा बढी खाताहरू
बैंकले ५ लाख भन्दा बढी नयाँ खाताहरू थप गर्दै ३३ लाख भन्दा बढी खाताहरूमार्फत ग्राहक सेवा प्रदान गर्दै आइरहेको छ । बैंकले कुल कर्जा लगानीको अंशमा करिब ८८ प्रतिशत साना तथा मझौला र रिटेल प्रकारका रणनीतिक क्षेत्रहरूमा कर्जा विस्तार गरेको छ । साना तथा मझौला कर्जा लगानीमा मुलुकका अन्य वाणिज्य बैंकहरू भन्दा यस बैंक अग्रणी स्थानमा रहेको बैंकको अनुमान रहेको छ ।
मुनाफा आर्जनमा दोस्रो
चालु आर्थिक वर्षको दोस्रो त्रैमासमा एनआईसी एशिया बैंकले २ अर्ब ४० करोड मुनाफा गरेको छ । जुन मुनाफा गत वर्षको सोही अवधिको तुलनामा १६ दशमलव ५७ प्रतिशत बढी हो । यतिबेला ग्लोबल आईएमई बैंकले २ अर्ब ६६ करोड मुनाफा गर्दै पहिलो स्थानमा रहेको छ भने एनआईसी एशिया बैंक दोस्रोमा रहेको छ । ग्लोबल आईएमई बैंकले जनता बैंकलाई मर्ज गरी ठूलो बनेको बैंकको मुनाफा करिब १५ प्रतिशतले मात्र बढेको हो ।
निक्षेप संकलन र कर्जा लगानीमा पहिलो
निक्षेप संकलन र कर्जा लगानीमा एनआईसी एशिया बैंक अग्रस्थानमा रहेको छ । बैंकले चालु आर्थिक वर्षको दोस्रो त्रैमासमा बैंकले २ खर्ब ९४ अर्ब रुपैयाँ निक्षेप संकलन गरेको छ । त्यस्तै, यस अवधिमा बैंकले २ खर्ब ६१ अर्ब कर्जा विस्तार गरेको छ
प्रतिशेयर आम्दानीमा पहिलो
एनआईसी एशिया बैंकको प्रतिशेयर आम्दानी अर्थात ‘ईपीएस’मा सबैभन्दा पहिलो नम्बरमा रहेको छ । हालसम्म संचालनमा रहेका २७ बैंकको ईपीएसलाई हेर्दा पहिलो नम्बरमा एनआईसी एशिया बैंक रहेको छ । बैंकको प्रतिशयेर आम्दानी ४१ रुपैयाँ ५४ पैशा पुगेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकुमारी बैंकका ग्राहकले कान्तिपुर डेन्टल कलेज टिचिङ अस्पताल तथा रिसर्चको सेवामा विशेष छुट पाउने
बैशाख २८, २०८१ शुक्रबार
मातातीर्थ औँसीमा नबिल बैंकको सन्देशमूलक भिडियो, आमाको पहिचानका लागि परिवारको दायित्व
बैशाख २७, २०८१ बिहिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
सरकारलाई दिएको समर्थन फिर्ता लिने जसपा नेपालको निर्णय
बैशाख ३०, २०८१ आइतबार
धुलिखेल र जापानको सरोमा नगरबीच सीप–प्रविधि आदानप्रदान सम्झौता
बैशाख ३०, २०८१ आइतबार
ठगी आरोपमा चार जना पक्राउ
बैशाख ३०, २०८१ आइतबार
सर्वोच्चद्वारा वर्ल्डलिंकको रिट खारेज,शुल्क असुल्न बाटो खुल्ला
बैशाख ३०, २०८१ आइतबार
राजस्थानमाथि चेन्नई ५ विकेटले विजयी
बैशाख ३०, २०८१ आइतबार
सिन्धुपाल्चोकमा मोटरसाइकल दुर्घटना हुँदा एकको मृत्यु
बैशाख ३०, २०८१ आइतबार