आईपीओ निष्काशनको तयारीमा रहेको सिवाईसी नेपाल लघुवित्तको कस्तो छ वित्तीय अवस्था ?

११ माघ, काठमाडौं । सिवाईसी नेपाल लघुवित्त वित्तीय संस्थाले चालू आथिृक वर्षको दोस्रो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको अधिकांश सूचकमा प्रगति देखिएको छ ।

दोस्रो त्रैमासमा लघुवित्तले ३ करोड ६३ लाख ३६ हजार मुनाफा गरेकोमा चालू आर्थिक वर्षको सोही अवधिमा वृद्धि भएर ५ करोड ८१ लाख ६५ हजार रुपैयाँ मुनाफा गरेको छ ।

चालू आर्थिक वर्षको दोस्रो त्रैमासमा कम्पनीको खुद ब्याज आम्दानीमा वृद्धि भएको छ ।कम्पनीको चुक्ता पूँजी ८ करोड २१ लाख ८ हजार रहेको छ भने जगेडा कोषमा १५ करोड २८ लाख २९ हजार सञ्चित रहेको छ ।

चालू आर्थिक वर्षको दोस्रो त्रैमाससम्ममा कम्पनीले १ अर्ब १ करोड ९२ लाख सापटी लिएर, १ अर्ब ११ करोड ४१ लाख निक्षेप संकलन गरी २ अर्ब ७७ करोड ४० लाख कर्जा लगानी गरेको छ ।

कम्पनीले ३ लाख ९५ हजार ३३६ कित्ता शेयर आइपीओ निष्कासन गर्ने तयारीमा रहेको हो । उक्त आईपीओ निष्कासन गर्नका लागि कम्पनीले नेपाल धितोपत्र बोर्डमा निवेदन दिइसकेको छ ।