आठ लघुवित्त कम्पनीले गरे दोस्रो त्रैमासको वित्तीय विवरण सार्वजनिक, कुनको मुनाफा कति ?

१२ माघ, काठमाडौं । आठ लघुवित्त कम्पनीले चालु आर्थिक वर्षको दोस्रो त्रैमाससम्मको वित्तीय विवरण सार्वजनिक गरेका छन् । वित्तीय विवरण सार्वजनिक गर्ने ८ लघुवित्त कम्पनीमध्ये ६ लघुवित्तको मुनाफा बढेको छ भने दुई कम्पनीको मुनाफा घटेको छ ।

कालिका लघुवित्त

कालिका लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा ८ करोड ४० लाख रुपैयाँ मुनाफा आर्जन गरेको छ । यो गत आर्थिक वर्षको यहि अवधिको तुलनामा २०५.१९ प्रतिशतले बढी हो ।

सबैको लघुवित्त

सबैको लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा ५ करोड ७१ लाखर रुपैयाँ खुद नाफा आर्जन गरेको छ । यो गत आर्थिक वर्षको सोही अवधिको तुलनामा ८७.८७ प्रतिशतले धेरै हो ।

गणपति लघुवित्त

गणपति लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा ९६ लाख ३७ हजार रुपैयाँ मात्रै खुद नाफा कमाएको वित्तीय विवरण प्रकाशित गरेको छ । यो गत आर्थिक वर्षको यहि अवधिको तुलनामा ६७.४० प्रतिशतले कम हो ।

मिर्मिरे लघुवित्त

मिर्मिरे लघुवित्त वित्तीय संस्था लिमिटेडले चालु आर्थिक वर्षको दोस्रोे त्रैमाससम्ममा १२ करोड १६ लाख रुपैयाँ खुद नाफा आर्जन गरेको छ । यो गत आर्थिक वर्षको यहि अवधिको तुलनामा ६१.८७ प्रतिशतले धेरै हो ।

लक्ष्मी लघुवित्त

चालु आर्थिक वर्षको पहिलो ६ महिनासम्ममा लघुवित्तले ९ करोड २४ करोड रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा २.२६ प्रतिशत बढी हो। गत आर्थिक वर्षको सोही अवधिसम्ममा लघुवित्तले ९ करोड ४ लाख रुपैयाँ खुद नाफा कमाएको थियो।

चौतारी लघुवित्त

लघुवित्तले चालु आर्थिक वर्षको दोस्रो त्रैमाससम्ममा ४ करोड ३५ लाख रुपैयाँ खुद नाफा कमाएको छ । यो गत आर्थिक वर्षको यहि अवधिको तुलनामा ३०.२५ प्रतिशतले कम हो। गत आर्थिक वर्षको यहि अवधिमा लघुवित्तले ६ करोड २४ लाख रुपैयाँ खुद नाफा कमाएको थियो ।

आशा लघुवित्त

चालु आर्थिक वर्षको दोस्रो त्रैमाससम्ममा लघुवित्तले ८ करोड ८३ लाख रुपैयाँ नाफा कमाएको छ । यो गत आर्थिक वर्षको यहि अवधिको तुलनामा २४.८१ प्रतिशतले धेरै हो । गत आर्थिक वर्षको दोस्रो त्रैमाससम्ममा लघुवित्तले ७ करोड १६ हजार रुपैयाँ नाफा कमाएको थियो ।

सीवाइसी नेपाल लघुवित्त

सीवाइसी नेपाल लघुवित्त वित्तीय संस्थाले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ । कम्पनीले गत वर्षको यसै अवधिको तुलनामा ६०.०८५ ले खुद नाफा वृद्धि गरेको छ । पुस मसान्तसम्म ५ करोड ८१ लाख रुपैयाँ खुद नाफा कमाएको हो । गत वर्षको यहि त्रैमासमा यसले ३ करोड ६३ लाख रुपैयाँ मात्र नाफा कमाएको थियो ।

आरएसडीसी लघुवित्त

चालु आर्थिक वर्षको दोस्रो त्रैमासम्म आइपुग्दा आरएसडीसी लघुवित्तको खुद नाफा ६।५६ प्रतिशतले घटेर ४ करोड ८९ लाख १९ हजार रुपैयाँमा सीमित भएको छ । अघिल्लो वर्षको यसैअवधिमा यसले ५ करोड २३ लाख ५५ हजार रुपैयाँ मुनाफा गरेको थियो ।

डिप्रोक्स लघुवित्त

डिप्रोक्स लघुवित्तले चालु आर्थिक वर्षको पहिलो ६ महिनासम्ममा ३३ करोड ४४ लाख रुपैयाँ मुनाफा गरेको छ। यो गत आर्थिक वर्षको सोही अवधिको तुलनामा ३।२३ प्रतिशत बढी हो। गत आर्थिक वर्षको सोही अवधिसम्ममा लघुवित्तले ३२ करोड ४० लाख रुपैयाँ मुनाफा गरेको थियो।