कांग्रेस केन्द्रीय कार्यालयको मुख्यसचिव पद रिक्त

१३ माघ, काठमाडाैं ।  नेपाली कांग्रेसको पार्टी केन्द्रीय कार्यालयको मुख्यसचिव पद रिक्त भएको छ । मुख्यसचिव कृष्णप्रसाद पौडेल राष्ट्रियसभा सदस्यमा निर्वाचित भएपछि साे पद रिक्त हुन गएको हो ।

बुधबार भएको राष्ट्रियसभा सदस्यमा बाग्मती प्रदेशबाट पौडेल विजयी भएसँगै कांग्रेस मुख्यालयको मुख्यसचिव पद रिक्त भएको हो । यसअघि कांग्रेस सभापति शेरबहादुर देउवाले पौडेललाई राष्ट्रपतिबाट  मनोनित गरि राष्ट्रियसभामा ल्याउन चाहेका थिए ।

तर, राष्ट्रपति विद्यादेवी भण्डारीले पौडेल र गोपाल बस्नेतको नाम अस्वीकृत गरेकी थिइन् । बस्नेत पनि प्रदेश १ बाट यसपटक राष्ट्रियसभा सदस्यमा निर्वाचित भएका छन् ।