जीवन बीमा कम्पनीहरुले फागुन महिनामा गरे करिब ११ अर्ब बीमाशुल्क आर्जन, कुनले कति ?

२२ चैत, काठमाडौं । जीवन बीमा कम्पनीहरुले फागुन महिनामा १० अर्ब ९० करोड रुपैयाँ कुल बीमाशुल्क आर्जन गरेका छन् । हाल संचालनमा रहेका बीमा कम्पनीले चालु आवको फागुन महिनामा १० अर्ब ९० करोड बीमाशुल्क आर्जन गरेका हुन् ।

एक महिनामा १९ जीवन बीमा कम्पनीहरुले एक करोड ११ लाख ७९ हजार ७२८ वटा बीमालेख जारी गरी सो बराबरको बीमाशुल्क आर्जन गरेका हुन् ।

बीमा योजनाको आधारमा भने सावधिक जीवन बीमा योजना सर्वसाधारणको तीव्र आकर्षण देखिएका छन् । चालु आर्थिक वर्षको फागुन महिनामा सावधिक जीवन बीमा योजना अन्तर्गत २० लाख ५६ हजार ५९७ वटा बीमालेख जारी गरी ३ अर्ब ८४ करोड रुपैयाँ कुल बीमाशुल्क आर्जन गरेको छ ।