स्कोडा नेपालले ल्यायो योजना “कम्पलीट पिस अफ माइन्ड विथ युरोपियन अश्योरेन्स”

१४ बैशाख, काठमाडौं । एम .ए .ब्लु. इन्टरप्राइजेज प्रा.लि. नेपालको लागि स्कोडाको आधिकारिक आयातकर्ताले नयाँ योजना “कम्पलीट पिस अफ माइन्ड विथ युरोपियन अश्योरेन्स” घोषणा गरेको छ। यस योजनामा ग्राहकहरूले मात्र १० लाखको डाउन पेमेन्टमा स्कोडा कुशकको स्वामित्व लिन सक्नेछन् र गाडीको २ वर्षको निःशुल्क आवधिक सर्भिसिङ पाउनेछन्।

एम.ए .ब्लु इन्टरप्राइजेजका कार्यकारी निर्देशक रौनक अग्रवालका अनुसार नयाँ योजना सबै ग्राहकहरूलाई विशेष गरी एसयूभी खण्डहरूमा प्रवेश गर्न चाहनेहरूलाई फाइदा पुग्ने गरी डिजाइन गरिएको हो। कम्पनीका अनुसार योजनामा निम्न प्रस्तावहरू छन्ः

● स्कोडा कुशक मात्र रू १० लाख डाउन पेमेन्टमा खरिद सकिन्छ ।
● ग्राहकहरूले २ वर्षको निःशुल्क आवधिक सर्भिसिङ सेवा प्राप्त गर्नेछन् (ग्राहकहरूले आफ्नो सवारी साधनको वार्षिक सर्भिसिङको क्रममा कुनै शुल्क तिर्नु पर्दैन)।
● स्कोडा कुशकलाई ७ वर्षको लागि ७० प्रतिशत ऋणमा वित्त पोषण गर्न सकिन्छ।
● कुनै ऋण प्रशोधन शुल्क बिना स्कोडा कुशक खरिद गर्नुहोस्।
● ग्राहकले आफ्नो पुरानो कार स्कोडा कुशकको लागि ठाउँको ठाउँ मै साट्न सक्नेछन्, जसलाई डाउन पेमेन्ट मानिनेछ।
● ग्राहकले स्कोडा कुशकसँग निस्शुल्क एक्सेसरीज पनि पाउनेछन् ।

स्कोडा कुशक नेपालमा तीन फरक भेरियन्टमा उपलब्ध भएको कम्पनीले जनाएको छ । जसमा एक्टिभ, एम्बिसन र स्टाइल। यसमा अवार्ड-विजेता नयाँ TSI प्रविधि सहितको १.० लिटर इन्जिन छ जसले ११५ पी।एस र १७८ एन.एम टर्क उत्पादन गर्छ।

स्कोडा गाडीहरू निर्माण गुणस्तर, ड्राइभिङको आनन्द, आराम, सुरक्षा र प्रदर्शनका लागि परिचित छन्। चेक गाडी निर्माताका यी पक्षहरूलाई नेपाली बजारले मन पराएको छ, यी सबै पक्षहरूले स्कोडा कुशकलाई देशकै सबैभन्दा प्रिय गाडीहरूमध्ये एक बनाएको छ।