निर्वाचनका लागि आजदेखि ६ दिनसम्म विद्यालयहरु बन्द

२८ वैशाख, काठमाडौं । बैशाख ३० गते पर्सि शुक्रबार हुने स्थानीय तह निर्वाचनका लागि विद्यालयहरु आजदेखि ६ दिनसम्म बन्द भएका छन् ।

शुक्रबार हुने स्थानिय तहको निर्वाचनका लागी सरकारले मतदानको दिन ३० गते मात्रै विदा दिएपनि धेरैजसो सामुदायिक विद्यालयहरुमा मतदान केन्द्र राखिएकाले आजैदेखि बन्द भएका हुन् ।

निर्वाचनमा केही सामुदायिक विद्यालयहरुमा मतदान केन्द्र राखिएको छ, भने शिक्षकहरु निर्वाचनमा खटिएको र कतिपय मतदान गर्न जिल्ला जानुपर्ने भएको भन्दै आजैबाट विद्यालयहरु बन्द गरिएको छ ।

तेसो त, यसअघि शिक्षा तथा मानव स्रोत विकास केन्द्रले ७७ वटै शिक्षा विकास तथा समन्वय इकाइलाई मतदान केन्द्र कायम भएका विद्यालयमा २८ गतेदेखि ३० गतेसम्म तीन दिन बिदा दिन निर्देशन दिएको थियो ।

वैशाख ३१ गते शनिबार परेको र सरकारले जेठ १ गतेदेखि आइतबारको दिन पनि सार्वजनिक विदा दिने निर्णय गरेकाले आइतबार पनि विदा हुने छ । जेठ २ गते बुद्ध जयन्ती परेकाले सो दिन पनि सार्वजनिक बिदा हुने छ ।