आईजीपी कमाण्ड कन्ट्रोल गर्ने, डीएसपीहरु शक्तिकेन्द्र धाउनी
नेपालबहस संवाददाता
असार ८, २०७९ बुधबार २३:१६:२५
८ असार, काठमाडौं । प्रहरी प्रधान कार्यालयले कमाण्ड कन्ट्रोल कमजोर भएका अधिकृतहरुलाई जिम्मेवारीबाट हटाउन थालेको छ । कार्यक्षेत्रमा कमाण्ड गर्न नसक्ने तर शक्तिकेन्द्रको आडमा इन्चार्ज भएर बसिरहने प्रहरी कर्मचारीलाई धमाधम हटाउन थालेको हो । यही मेसाेमा कार्यक्षेत्रमा कमजोर देखिएका अछामका डीएसपीलाई काठमाडौं सरुवा गरिएको छ ।
अछाममा विनोद शाहीको हत्या प्रकरण सुल्झाउन नसकेका डीएसपीको सरुवा भएको हाे । प्रहरी प्रधान कार्यालयले अछाम जिल्लाको प्रहरी प्रमुख डीएसपी रविराज थपलियालाई सरुवा गरेर नयाँ डीएसपी पठाइएको छ । डीएसपी थपलियालाई जिम्मेवारीबाट हटाएर डीएसपी नारायण डाँगीलाई जिम्मेवारी दिएको छ । डीएसपी डाँगी प्रदेश प्रहरी कार्यालय सुर्खेतमा कार्यरत थिए ।
कमाण्ड राम्रो नभएको आधारमा डीएसपी थपलियालाई हटाएर डाँगीलाई पठाइएको प्रहरी प्रधान कार्यालयले जनाएको छ । थपलियाको काठमाडौं उपत्यका प्रहरी कार्यालयमा सरुवा भएको छ । उनको सरुवा भएको प्रहरी प्रवक्ता एसएसपी विष्णुकुमार केसीले पुष्टि गरेका छन् ।
पञ्चदेवल विनायक नगरपालिका–४ का युवक विनोद शाहीको मृत्युपछि अछाम अशान्त बन्दै आएको छ । भिरबाट लडेको अवस्थामा उनको शव गत २१ जेठमा भेटिएको थियो । परिवारले उनको हत्या भएको आरोप लगाउँदै आएको छ । घटनाको अनुसन्धानमा केन्द्रीय अनुसन्धान ब्यूरो (सीआईबी)बाट टोली खटिएको छ ।
१७ जेठको रातिदेखि बेपत्ता रहेका विनोदको शव घरनजिकैको कुच्ची जङ्गलको खोँचमा भेटिएको थियो । १३ जनामाथि प्रहरी किटानी जाहेरी लिन प्रहरी तयार भएपछि परिवारले शव बुझेका थिए । सीआईबीका प्रहरी नायब उपरीक्षक (डीएसपी) मनोहर भट्टको टोली अछाम पुगेको थियो । सोही टोलीले अनुसन्धान गरेपछि दुई जनालाई पक्राउ समेत गरेको थियो ।
त्यसैगरी स्वयम्भू वृत्तका डीएसपी मिलन केसीको पनि सरुवा भएको छ । उनलाई काठमाडौं उपत्यका कार्यालयमा सरुवा गरिएको छ । गुण्डा नाइके समीरमान सिंह बस्नेतलाई केन्द्रीय कारागारमा भेट्न गएको आरोपमा उनीमाथि छानविन भएको थियो । प्रहरी नियम विपरित कार्य गरेको भन्दै उनलाई विभागीय कारवाहीको समेत सिफारिस भएको छ । त्यसैगरी रौतहटका एसपी विनोद घिमिरेलाई दुई पटक स्पष्टिकरण सोधिएको छ ।
स्थानीय तह निर्वाचनमा गम्भीर लापरबाही गरेको भन्दै उनीमाथि २ पटक स्पष्टीकरण सोधिएको थियो । उनको जवाफ चित्तबुझ्दो नभएको भन्दै सरुवाको तयारी भएको थियो तर शक्तिकेन्द्रको दबाबमा उनको सरुवा रोकिएको खुलेको छ । त्यस्तै जनसेवा प्रहरी वृत्तका डीएसपी शालिकराम शर्माको गतिविधिलाई लिएर छानविन शुरु भएको छ । उनीमाथि कमाण्ड कन्ट्रोल गर्न नसकेको आरोप लागेको छ ।
उनको वालुवाटारसँग राम्रो सम्बन्ध रहेका कारण अहिलेसम्म वृत्त प्रमुख भैरहेका छन् । अर्को डीएसपी सुकदेव खनाललाई पनि प्रहरी प्रधान कार्यालयले स्पष्टिकरण सोधेको थियो तर उनको सम्बन्ध पनि कांग्रेसका ठूला नेतासँग भएका कारण रोकिएको छ । खनाल ओखलढुंगाका डीएसपी हुन् । ‘आईजीपीले कमाण्ड कण्ट्रोल गर्न खोज्ने तल्लो तहका कर्मचारीहरु शक्तिकेन्द्र धाउने गरेका छन् ’, प्रहरी प्रधान कार्यालय स्रोतले भन्यो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
कांग्रेसको माग सम्बोधन हुनेगरी आजको छलफललाई टुंगोमा पुर्याउने प्रयासमा प्रधानमन्त्री
बैशाख ३१, २०८१ सोमबार
केजरीवाललाई मुख्यमन्त्रीबाट हटाउन माग गरेको रिट सर्वोच्चद्वारा खारेज
बैशाख ३१, २०८१ सोमबार
आगामी मनसुनमा देशका अधिकांश स्थानमा सरदरभन्दा बढी वर्षा हुने
बैशाख ३१, २०८१ सोमबार
विभिन्न स्थानबाट अवैध लागूऔषधसहित १७ जना पक्राउ
बैशाख ३१, २०८१ सोमबार
चिसो हावा र पानीले प्रसिद्ध 'नरपानी डाँडा'
बैशाख ३१, २०८१ सोमबार
मन्त्रिमण्डल पुनर्गठन गर्दै प्रधानमन्त्री, जसपाले पठायो तीन जनाको नाम
बैशाख ३१, २०८१ सोमबार