देशभर १५२ जनामा कोरोना पुष्टि, २ संक्रमितको मृत्यु

२४ भदौ, काठमाडौं । पछिल्लो २४ घण्टामा देशभर १ सय ५२ जनामा कोरोना भाइरस संक्रमण पुष्टि भएको छ । सो अवधिमा कोरोनाबाट २ जनाको मृत्यु भएको हो ।

स्वास्थ्य मन्त्रालयका अनुसार तीन हजार २ सय ९४ परीक्षणमा १५२ जनामा संक्रमण पुष्टि भएको हो । एक हजार १ सय ८६ पीसीआर परीक्षणमा ११० जना र दुई हजार १ सय ८ एन्टिजेन परीक्षणमा ४२ जना गरी १ सय ५२ जनामा संक्रमण पुष्टि भएको हो ।

त्यस्तै १३३ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या दुई हजार ४४८ रहेको छ ।