एमालेमा नयाँ अनुसारको प्रवेशः बादलकी श्रीमतीलाई समानुपातिकको सूचीमा

३ असोज, काठमाडौं । नेकपा एमालेले यसपटक संघीय साँसदमा समानुपातिक तर्फ नयाँ र युवा अनुहारहरूलाई समेटेको छ । नयाँ पुस्ताका नेताहरुलाई रुचाएपछि एमालेले स्थायी कमिटीबाट रघुजी पन्तलाई समेटेको छ भने अन्य पोलिटव्यूरो सदस्यहरुलाई समेटेको छ ।

यस्तै महिलातर्फ पनि प्रयाप्त नयाँ अनुहारलाई समेटेको जनाएको छ । यसपटक जनसंगठन तथा पार्टीका विभिन्न निकायमा सामेल भएर मोर्चामा सक्रिय भएकाहरुलाई पार्टीले समानुपातिकमा अघि सारेको एमाले स्रोतले जनाएको छ ।

स्रोतका अनुसार महिलाको क्लस्टरमा पूर्व सूचना तथा सञ्चार प्रविधि मन्त्री नैनकला थापालाई समानुपातिक सुचीमा राखिएको छ । थापा एमाले उपाधक्ष्य रामबहादुर थापाकी श्रीमती हुन । यसैगरी केन्द्रीय सदस्य दिपा शर्मा,अनेरास्ववीयूकी अध्यक्ष एवं पार्टी केन्द्रीय सदस्य सुनिता बराल,यूवा संघ नेपालका उपाधक्ष्य क्रान्ती बुर्लाकोटी, पूर्व केन्द्रीय सदस्य उमा कोइराला,भक्त कुमारी लामालाई पनि समानुपातिक सुचीमा राखेको छ ।

लामा १० बुँदे सहमतिपछि एमालेमै बसेकी थिइन । यस्तै कर्णाली प्रदेश सदस्य मेनका पछाई, झापा दमककी निरु पुलामी, दैलेखकी सूर्य कुमारी श्रेष्ठ, कालीकोटकी इन्दिरा सन्जेललाई पनि पार्टीले समानुपातिक सुचीमा राखेको छ ।

यसैगरी हर्कमाया विक, अञ्जु प्रसाईं बर्देवा आदिलाई पनि एमालेले महिलातर्फको समानुपातिक सुचीमा राखेको छ । त्यसैगरी एमालेका पोलिटव्यूरो सदस्यहरु इश्वरी रिजाल लगायतका नेताहरुलाई पनि समानुपातिक कोटामा राखेको छ । एमालेले अहिले पेश गरेका नामहरु परिवर्तन नहुने जनाएको छ । ‘रामबहादुर थापालाई यसपटक समेटिएको छैन’, स्रोतले भन्यो ।