सन नेपाललाईफ इन्स्योरेन्सको बार्षिक उत्सवमा बृहत रक्तदान

६ असोज, काठमाडौं । सन नेपाललाइफ इन्स्योरेन्स कम्पनीको बार्षिक उत्सवमा ५ सय ८ प्रिन्ट रगत संकलन भएको छ । कम्पनीले  स्थापनाको ५ बर्ष पुरा गरी छैंटौं वर्षमा प्रवेश गरेको अवसरमा सामाजिक सेवा उत्तरदायित्व अनुरुप आयोजना गरेको बृहत् रक्तदान कार्यक्रममा ५ सय ८ प्रिन्ट रगत संकलन भएको हो ।

कम्पनीले देशैभरमा रहेका विभिन्न शाखा कार्यालयहरु मार्फत आयोजना गरेको बृहत् रक्तदान कार्यक्रमबाट कुल ५०८ प्रिन्ट रगत संकलन गरेको छ । त्यस्तै विभिन्न अस्तपाल र फरक क्षमता भएका बालबालिकाहरुलाई फलफूल तथा न्यानो कपडा वितरण गरेको छ ।

साथै सोही अवसरमा बिद्यार्थीसँग बीमाका कुरा कार्यक्रम अन्तर्गत देशका विभिन्न २० भन्दा बढी स्कूल–कलेजका एक हजार भन्दाबढी बिद्यार्थीहरुमाझ बीमासम्बन्धी चेतना कार्यक्रम संचालन गरेको छ ।