डेढ महिना लगाएर १ सय २६ मा सहमति, ३९ सीट मिलाउन अझै महाभारत
नेपालबहस संवाददाता
असोज ७, २०७९ शुक्रबार १६:२१:४
७ असोज, काठमाडौं । राष्ट्रपति विद्यादेवी भण्डारीले नागरिकता विधेयकमा प्रमाणीकरण नगरेपछि यसैमा अल्झिाएका सत्तारुढ पाँच दल आजबाट पुनः सीट बाँडफाँडमा केन्द्रित हुँदैछन् । उनीहरुले अहिलेसम्म प्रतिनिधिसभाको १६५ सीट मध्ये १२६ सीटमा सहमति गरेका छन् भने ३९ सीटमा भागबण्डा गर्न बाँकी छ । बाँकी रहेको सीट प्राय मधेश प्रदेशमा छन् ।
मधेशमा सबैले बराबरी दावी गरेका छन् भने यही क्षेत्रलाई आधार बनाएर राजनीति गरिहेको जनता समाजवादी पार्टी (जसपा) ले नेपाली कांग्रेस, नेकपा माओवादी केन्द्र र नेकपा एकीकृत समाजवादीकोभन्दा बढी सीट दावी गरिरहेको छ । प्रदेश र प्रतिनिधिसभा निर्वाचन क्षेत्रको सिट बाँडफाँट मिलाउन पाँचदलीय सत्ता गठबन्धनका शीर्ष नेताहरु आज पनि प्रधानमन्त्री निवास बालुवाटारमा भेला हुँदैछन् ।
नेपाली कांग्रेसका वरिष्ठ नेता रामचन्द्र पौडेलका अनुसार गठबन्धनमा रहेका राष्ट्रिय जनमोर्चाबाहेकका चार दलबीच प्रत्यक्ष १ सय ६५ मध्ये हालसम्म १ सय २६ सिटमा मात्रै सहमति जुटेको छ । खासगरी मधेसमा कांग्रेस र जसपाको बढी रहेकाले सहमति हुन नसकेको हो । मधेश प्रदेशमा कांग्रेस र जसपाले कुल ३२ मध्ये १६÷१६ सिट दाबी गरेको पौडेलले बताए । उनका अनुसार हालसम्म कांग्रेस ६५, माओवादी ४०, एकीकृत समाजवादी १२ र जसपाको ९ सिटमा सहमति भइसकेको छ ।
नेताहरूले मधेस प्रदेशका ३२ निर्वाचन क्षेत्रमा आज सहमति गर्ने बताएका छन् । जसपाले मधेस प्रदेशलाई आफ्नो मुख्य आधार मान्दै ५० प्रतिशत सिट पाउनुपर्ने अडान छाडेको छैन् । कांग्रेसले पनि मधेस प्रदेशलाई आफ्नो आधार इलाका मान्दै आएको छ । उसले पनि पचास प्रतिशतभन्दा कम सिटमा आकांक्षी व्यवस्थापन गर्न नसकिने बताइरहेको छ । अघिल्लो चुनावमा उपेन्द्र यादव नेतृत्वको तत्कालीन संघीय समाजवादी फोरमले ९, महन्थ ठाकुरसहित पाँच दलको नेतृत्वमा रहेको जनता समाजवादी पार्टीले १०, कांग्रेसले ६, माओवादीले ५ र एमालेले २ निर्वाचन क्षेत्र जितेका थिए ।
कांग्रेस नेता पौडेलले सबै प्रदेशमा अन्तिम मिलाउन मात्रै बाँकी रहेको र मधेस सबैभन्दा ठूलो समस्या भन्दै शनिबार (भोली) समानुपातिक सूची फाइनल गर्नुअघि सिट बाँडफाँट टुंग्याउनुपर्ने भएकाले आज सहमति गर्ने बताए । बिहीबार कार्यदलसहित बसेको शीर्ष तहको बैठकमा पनि कांग्रेस र जसपाबीच मुख्य विवाद देखिएको थियो । गठबन्धनको बैठक बस्नुअघि आज कांग्रेस बाहेकका दलको छुट्टै छलफलसमेत रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप३३ प्रतिशत महिला उम्मेदवार हुनैपर्ने बाध्यकारी कानुन आउँदै
माघ १८, २०७९ बुधबार
सात वटै प्रदेश प्रमुखसमक्ष निर्वाचन परिणामसहितको प्रतिवेदन प्रस्तुत
पुष ३, २०७९ आइतबार
संसदमा दलित समुदायको प्रतिनिधित्व निरन्तर खुम्चिँदै
पुष १, २०७९ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
नेपालबहस संवाददाता
बैशाख १४, २०८१ शुक्रबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
अमेरिकी विदेशमन्त्री ब्लिन्कन र चिनियाँ राष्ट्रपति सीबीच भेटवार्ता
बैशाख १४, २०८१ शुक्रबार
अर्थतन्त्र मिश्रित अवस्थामा छ : गभर्नर अधिकारी
बैशाख १४, २०८१ शुक्रबार
मनोरञ्जन क्षेत्रमा कार्यरत महिलाको गुनासो- न तलब पाइन्छ, न सम्मान !
बैशाख १४, २०८१ शुक्रबार
पूर्वाञ्चल विश्वविद्यालयः सात हजारभन्दा बढी विद्यार्थी दीक्षित
बैशाख १४, २०८१ शुक्रबार
अवैध सुन कारोवारमा संलग्न रहेको अभियोगमा सात जना पक्राउ
बैशाख १४, २०८१ शुक्रबार
वेस्ट इन्डिज ए विरुद्ध खेल्ने नेपाली टिममा चार खेलाडी थपिए
बैशाख १४, २०८१ शुक्रबार