बालेन शाहविरुद्ध अपमानजनक नाराबाजी गर्नेमाथि कारबाही गर्न गृह मन्त्रालयलाई मधेश आयोगकाे पत्र

१५ मंसिर, काठमाडौं । मधेशी आयोगले काठमाडौं महानगरपालिकाका मेयर बालेन्द्र शाह ‘सामाजिक सञ्जालमा बालेन’विरुद्ध अपमानजक र सामाजिक सद्भावमा खलल पुर्याउने किसिमका नाराबाजीसहित भिडियो पोष्ट गनेमाथि कारवाही गर्न नेपाल प्रहरीलाई पत्राचार गरेको छ ।

आयोगका उपसचिव सबिता डंगोलले बिहीबार नाराबाजी गर्ने र भिडियो पोष्ट गर्नेमाथि कानुनबमोजिम कारवाही गर्न पत्राचार गरेकी हुन् ।

उनले नाराबाजीमा प्रयोग गरिएका शब्द, भाषाशैली मधेशी समुदायको अपमान भएको र राष्ट्रिय एकतामा खलल पुग्ने काम भएको उल्लेख गर्दै संलग्नलाई कारबाही गर्नगृह मन्त्रालय र प्रहरी प्रधान कार्यालयलाई सिफारिस गरेकी छन् ।

‘थापाथलीस्थित सुकुम्बासी जग्गासम्बन्धी महानगरको कार्यको विरोधको क्रममा सामाजिक सञ्जालमा एक व्यक्तिले सम्पूर्ण मधेशी समुदायलाई अपमानित र सामाजिक सद्भाव तथा राष्ट्रिय एकता खलल पार्ने कार्य गरेको हुनाले निजलाई कानुन बमोजिम कडाभन्दा कडा कारबाही गर्नका लागि आदेशानुसार अनुरोध छ’ आयोगकी उपसचिव डंगोलद्वारा गरिएको सिफारिस पत्रमा भनिएको छ ।