नयाँ सरकारकाे नेतृत्व कांग्रेसले नै गर्छः डा. शेखर कोइराला

१५ मंसिर, मोरङ । नेपाली कांग्रेसका वरिष्ठ नेता डा. शेखर कोइरालाले नयाँ सरकार कांग्रेसकै नेतृत्वमा बन्ने बताएका छन् । विराटनगरस्थित कोइराला निवासमा बिहीबार आयोजित पत्रकार सम्मेलनमा पाँच दलीय गठबन्धनले नै कांग्रेसकै नेतृत्वमा नयाँ सरकार बनाउने बताए । उनले नयाँ सरकार संयुक्त हुने र त्यसको नेतृत्व कांग्रेसले नै गर्ने दाबी गरे ।

कांग्रेसभित्रै आधा दर्जन नेता प्रधानमन्त्रीको आकांक्षी देखिएका बेला उनले कसको नेतृत्वमा सरकार बन्छ भन्नेबारे उनले केही खुलाएनन् । सरकार गठनका लागि पार्टीभित्र आन्तरिक छलफल छिट्टै चलाउने बताए ।

कांग्रेसमा संसदीय दलको नेता को भन्ने चासो व्यापक बनेको छ । प्रधानमन्त्रीमा सभापति शेरबहादुर देउवा, वरिष्ठ नेता रामचन्द्र पौडेल, महामन्त्री गगनकुमार थापा, केन्द्रीय सदइ शशांक कोइरालाले दाबी सुरु गरेका छन् ।