नवलपुर अदालतकाे फैसलाः ‘विवाहित छाेरीलाई अंश पाउने अधिकार छ’

१६ मंसिर, काठमाडौं । विवाह भइसकेकी छोरीले बाबुआमा वा अंशियारसँग अंशको मागदाबी गरिन् भने त्यस्ता छोरीले अंश पाउने फैसला नवलपुर जिल्ला अदालतले गरेको छ ।

अदालतका न्यायाधीश यज्ञप्रसाद आचार्यले अंश मुद्दामा छोरी विवाहित भएपनि नभएपनि अंश पाउने अधिकार छोरालाई मात्र नरहेको फैसला थरेको हो । फैसलामा अंश पाउने हकदार वंशमात्रै रहने र वंश भनेको छोरा नै हुनुपर्ने भन्ने सोच पितृसत्तात्मक रहेको ठहर समेत गरिएको छ ।

बागलुङको जैमिनी नगरपालिका-९, लामुखुरे स्थायी ठेगाना भएका गंगाबहादुर थापा र आमा चन्द्रा थापाकाे रोजगारीको सिलसिलामा भारतमै मृत्यु भएकाे थियाे । उनीहरूबाट दुइ छाेरी सीमा र ज्याेती थापा जन्मिइन् ।

दुवै जनाकाे मृत्यु भएपछि भारतमा रहेकी दुई छोरीलाई अंश नदिई आफ्नै बुबाको नाममा रहेको जग्गाजमिन आफ्नै हजुरआमा नैनाकला थापाले अंशियार नरहेको भनी झूठो दाबी लिई आफ्नो नाममा बनाएको भन्दै अंश पाउन २०७५ फाुगन १२ मा नवलपुर जिल्ला अदालतमा सीमा र ज्याेतीले हालेकाे मुद्दामा अदालतले २०७९ भदौ २७ मा यस्तो फैसला सुनाएको हो ।

न्यायाधीश आचार्यको इजलासले फैसला सुनाउँदै विवाह भए पनि छोरीहरुलाई समेत अंश दिनुपर्ने ठहर गरेको छ।