दोलखामा मतगणना विवाद सुल्झिएसँगै गणना सुचारु

१६ मंसिर, काटमाडौं । दोलखामा स्थगन भएकाे मतगणना पुनः सुरु भएको छ । प्रतिनिधिसभा प्रत्यक्षको मतगणनाका क्रममा कालिन्चोक गाउँपालिका १ को कुल खसेको मतमा १४७ मत फेला नपरेपछि उत्पन्न विवाद सुल्झिएपछि बिहीबार दिउँसोबाट स्थगित भएको मतगणना  पुनः सुचारु भएको हो ।

पछिल्लो मतपरिणाम अनुसार गठबन्धनबाट नेकपा (माओवादी केन्द्र) उम्मेदवार गंगा कार्कीले ५ हजार ३५ मत पाएका छन् । उनका निकटतम प्रतिद्वन्द्वी नेकपा (एमाले)का बालकृष्ण शिवाकोटीले दुई हजार ९२८ मत प्राप्त गरेका छन् ।

प्रदेश (क)मा कांग्रेसका कुन्दनराज काफ्ले र (ख)मा एमालेका उम्मेदवार अगाडि छन् । दोलखामा मंसिर ४ र १५ गते भएको निर्वाचनमा ८५ हजार ८ सय ३३ मत खसेको थियो ।