विद्यार्थी नेता ऐडीको हत्या आरोपमा थप १ जना पक्राउ

२२ मंसिर, धनगढी । बाजुराका विद्यार्थी नेता चेतन आयडीको हत्यामा संलग्नताको आरोपमा प्रहरीले थप एक जनालाई पक्राउ गरेको छ । पक्राउ परेका उनको परिचय खुलाइएको छैन । पक्राउ परेको र अनुसन्धान भइरहेको बाजुरा प्रहरीले पुष्टि गरेको छ ।

बाजुरा त्रिवेणी नगरपालिका–७ मालाकोट बस्ने ३२ वर्षीय चेतन दिप अयडीको यही मंसिर ४ गते मतदान गरेर घर फर्कने क्रममा सोही नगरपालिका बाजपानीमा एक जत्थाले गरेको कुटपिट ज्यान गएको थियो । कुटपिट भइ गम्भीर घाइते भएका ऐडीको उपचारको क्रममा बयलपाटा अस्पताल लिने क्रममा बाटोमा मृत्यु भएको थियो । हालसम्म आयडीको हत्या आरोपमा ६ जना पक्राउ परेका छन् । हत्यामा संलग्नताको आरोपमा सोही वडाका वडाध्यक्षा जुद्धबहादुर ऐडी पनि पक्राउ परेका छन् ।

चेतनका आफन्तले २२ जनाका नाममा किटानी जाहेरी दिएका छन् । कुटपिटमा संलग्न नेपाली कांग्रेसका कार्यकर्ता भएको बुझिएको छ । ज्यान गुमाएका ऐडी नेकपा एमालेनिकट विद्यार्थी संगठनका जिल्ला नेता थिए ।