सुनका गरगहना र ल्यापटपसहित ७ लाख चोरी

२३ मंसिर, काठमाडौं । पछिल्लो समय चोरहरुको विगविगी बढेको छ । प्रहरीका अनुसार काठमाडौंमा चोरहरुको सक्रिय बढेको जनाएको हो ।

काठमाडौंको चन्द्रागिरी नगरपालिका-१३ बस्ने ३५ वर्षीया रोशनी खरेलको घरमा कोही नभएको अवस्थामा घरको ढोकाको ताला फोडी सुनका विभिन्न गरगहना तथा ल्यापटप समेत गरी करिब ७ लाख ८५ हजार रूपैयाँ बराबरको धनमाल बिहीबार दिउँसो चोरी भएको छ ।

दाङकाे घोराही उपमहानगरपालिका-१७ पोखरा बस्ने तिला चौधरीको घरबाट कोही नभएको अवस्थामा करिब ७ तोला बराबरको सुनका विभिन्न गरगहना बिहीबार राति चोरी भएको छ ।

चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।