सडकमा निस्केर सुकुम्बासीहरूले भने- ‘डोजर आतंक बन्द गर’ (फोटो फिचर)

१३ माघ, काठमाडौं । संयुक्त राष्ट्रिय सुकुम्बासी मोर्चाले काठमाडौंमा प्रदर्शन गरेको छ । काठमाडौं महानगरले बस्ती खाली गराउन खोजेपछि आन्दोलनमा उत्रिएका सुकुम्बासीले डोजर आतंक बन्द गरेर भू-स्वामित्व प्रदान गर्न माग गरेका छन् ।

माइतीघर मण्डलादेखि शुक्रबार दिउँसाे बानेश्वरसम्म प्रदर्शन गरेका गरेका उनीहरुले ‘डोजर आतंक बन्द गर, जबरजस्ती उठीबास बन्द गर, महानगरको सम्झौता कार्यन्वयन गर, काठमाडौं सुकुम्बासीको पनि हो, सुकुम्बासीमाथि लगाएको मुद्दा निसर्त फिर्ता गर’ जस्ता नाराअंकित प्लेकार्ड बोकेका थिए ।

धर्नामा वृद्ध वृद्धा, युवक युवती तथा बालबालिकाहरूकाे बाक्लाे संख्यामा सहभागी थिए । धर्नापहिले उनीहरुले सडकमा र्याली निकाले । र्यालीपछि उनीहरु नयाँ बानेश्वर चोकनिजकै धर्ना बसे । उनीलाई अभियन्ता, नागरिक अगुवा तथा लेखक बुद्धिजीविहरुले पनि साथ दिएका छन् । उनीहरूले ‘न्यायका लागि सडक संघर्ष’ सुरू भएकाे बताए । स्थायी विकल्प निदइ बस्तबाट नहटाउन पनि चेतावनी दिएका छन् ।